rKTs

e-texts navigator

Volume

Page

106b₁ de byang chub thob pa'i mchog gi phrugs dang / bzang po'i phrugs kyang bdud las btul ba'i byang chub sems dpa' rnams so/ /rim gro ba yang bdud las btul ba'i byang chub sems dpa' rnams so/ /bcom ldan 'das de bzhin gshegs pa bdud rab tu 'joms pa de ni
106b₂ byang chub sems dpa'i gtam 'ba' zhig yang dag par rab tu ston te/ de na theg pa gzhan gyi ming yang med do/ /btsun pa sha ra dwa ti'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phangs na phyis bdud kyi las byed par mi 'gyur gyi/ bdud
106b₃ las btul ba'i byang chub sems dpa' de dag dang lhan cig tu byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro/ /de nas bdud sdig can dngangs skrag 'jigs te/ spu zing zhes byed nas/ 'khor de nas 'gro bar 'dod na
106b₄ 'gro ma nus te mi snang bar ma gyur na/ de de bas kyang cher dngangs shing skrag ste/ bcom ldan 'das kyi zhabs gnyis la gtugs nas 'di skad ces gsol to/ /byang chub sems dpa' blo gros rgya mtshos 'jig rten gyi khams der 'phang bar mi 'gyur bar bcom ldan 'das bdag
106b₅ la bskyab tu gsol/ bde bar gshegs pa bdag la bskyab tu gsol/ bcom ldan 'das kyis bka' stsal pa/ sdig can ma 'jigs shig/ skyes bu dam pa 'di lta bu 'di dag ni sems can la rnam par 'tshe ba'i phyir gnas pa ma yin no/ /sdig can khyod byang chub
106b₆ sems dpa' blo gros rgya mtsho 'di la bzod pa gsol cig dang / 'di nyid khyod la skyob par 'gyur ro/ /de nas bdud sdig can gyis thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so/ /skyes bu dam pa khyod bdag la bzod pa
106b₇ mdzad du gsol/ bdag bde ba thams cad kyis brgyan pa'i 'jig rten gyi khams der mi 'phang bar gsol/ ji ltar gang na skyes bu dam pa khyod lta bu chos ston par gyur pa'i 'khor der bar chad bgyi ba'i slad du lan 'ga' yang mchi bar mi 'gyur ba de ltar bgyi'o/ /blo gros rgya mtshos

_{iiif viewer powered by OpenSeadragon}

106a - 107a

Texts on this page