rKTs

e-texts navigator

Volume

Page

105b₁ sgo bcu pa'o/ /blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo ste byang chub sems dpa' de dag la rab tu sbyor na bdud kyi lcags kyu thams cad las shin tu 'das par 'gyur ro/ /bdud kyi lcags kyu rab tu gcod pa'i chos kyi rnam grangs 'di bshad
105b₂ pa na/ bdud kyi gnas thams cad mog mog por gyur te rnam pa drug tu g.yos so/ /'di lta ste/ dper na/ byang chub kyi snying po la 'dug pa'i byang chub sems dpa'i mdzod spu nas 'od rab tu byung bas bdud kyi gnas thams cad mog mog por gyur pa de bzhin du de'i tshe bdud
105b₃ kyi gnas thams cad mog mog por gyur to/ /de nas bdud sdig can gyis ltas rgya chen po 'di mthong nas rings shing myur bar la gor du dpung gi tshogs yan lag bzhi pa bsdus te/ bkod pa ci 'dra bas byang chub kyi snying po la 'dug pa'i byang chub sems dpa'i gan du 'gro ba'i
105b₄ bkod pa de 'dra ba'i dpag tshad sum cu rtsa drug tshun chad bdud kyi sdes bkang nas bcom ldan 'das kyi 'khor gyi dkyil 'khor gyi khyams ga la ba der dong ba dang / sangs rgyas kyi mthus der des bsgrims par gyur te/ 'ongs kyang de bzhin gshegs pa dang / gang dag phyir
105b₅ mi ldog pa'i byang chub sems dpa' rnams dang / 'khor de las sems can gang dag 'dul bar gyur pa rnams dang / gang dag srid par kun tu sbyor ba spangs pa'i dgra bcom pa lta ba phun sum tshogs pa'i gang zag rnams ma gtogs par gang gis kyang de ma mthong ngo / /
105b₆ de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho khyod kyis bdud sdig can bkod pa ji lta bu dang ldan pas 'ong ba mthong ngam/ gsol pa bcom ldan 'das mthong lags so/ /bcom ldan 'das kyis bka' stsal pa/
105b₇ blo gros rgya mtsho bdud sdig can 'di ni chos kyi rnam grangs 'di la bar chad bya ba'i phyir 'ongs na 'di ci zhig bya/ gsol pa bcom ldan 'das deng 'di bde ba thams cad kyis brgyan pa'i 'jig rten gyi khams su 'phang bar bgyi'o/ /de nas tshe dang ldan pa sha ra dwa ti'i bus/ byang

_{iiif viewer powered by OpenSeadragon}

105a - 106a

Texts on this page