rKTs

e-texts navigator

Volume

Page

103b₁ ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa'i byang chub sems dpa'i theg pa pa'i gang zag gang dag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang
103b₂ de bzhin du de'i rjes su 'jug par gyur pa dang / de dman pa la sten cing / khyad par dang bral ba 'di lta ste zhan pa'i 'gro ba/ blun pa/ 'on pa/ lkugs pa'i 'gro ba/ 'gro ba dman pa nyid du mchi bar 'gyur ro/ /bcom ldan 'das 'di lta ste dper na/ skyes bu la
103b₃ la zhig gis gram pa'i sa phyogs su shing tsam pa ka bskrun la chab stsol bar mi bgyid kyi/ gang nas chab mchi bar mthong ba'i phyogs der yang gor ma dang gyo mo dag gis bkum na/ bcom ldan 'das de ltar na zhugs shing tsam pa ka chab dang bral ba de la yal ga dang lo ma dang
103b₄ yal ga phre'u ma chags pa rnams kyang chags par mi 'gyur/ yal ga dang lo ma dang yal ga phre'u chags pa rnams kyang skams te dog sa la lhung bar 'gyur ro/ /bcom ldan 'das de bzhin du byang chub sems dpa' gang byang chub kyi sems bskyed la nga rgyal gyis khengs shing
103b₅ nga rgyal gyis rengs par gyur na/ de dge ba'i bshes gnyen dang chos mnyan pa dang bral te/ ma thos pa'i chos rnams kyang mi nyan/ thos pa'i chos rnams kyang yongs su dkar bar mi bgyid do/ /bcom ldan 'das 'di lta ste dper na/ gang gi tshe rgya mtsho chen po mchis
103b₆ par gyur pa de'i tshe gzhol ba'i phyogs na mchis par 'gyur ro/ /de gzhol ba'i slad du chu klung thams cad dang chab mig dang / 'bab chu thams cad tshegs chung ngus der 'bab bo/ /bcom ldan 'das de bzhin du byang chub sems dpa' nga rgyal ma mchis pa bla ma dang / sbyin
103b₇ gnas la gus pa yang tshegs chung ngus chos zab mo'i sgo rnams rna ba'i dbang po la grags par 'gyur ro/ /de dran pa la yang gnas par 'gyur ro/ /bcom ldan 'das de lta bas na byang chub sems dpa' nga rgyal gyis khengs nga rgyal gyis rengs par gyur te/ bla ma

_{iiif viewer powered by OpenSeadragon}

103a - 104a

Texts on this page