rKTs

e-texts navigator

Volume

Page

102a₁ de dag la chos ston pa dang / de zang zing gis sbags pa'i rgyud des gang dag chos bstan par bgyi ba ma lags pa/ snod du ma gyur pa de dag la chos ston cing gang dag bstan par bgyi ba de dag la mi ston pa 'di ni bcom ldan 'das byang chub sems dpa'i chos
102a₂ bstan pa dang rab tu ldan pa'i bdud kyi lcags kyu ste brgyad pa'o/ /bcom ldan 'das gzhan yang byang chub sems dpa' 'jig rten rgyang pa na pa yongs su tshol te/ de gzhan dag la zab mo'i bka' mchid rgyun bkum nas 'jig rten rgyang pa na pa'i bka' mchid sna tshogs ston te/
102a₃ de 'jig rten rgyang pa na pa'i bka' mchid ston pas 'jig rten dga' zhing mngon par dga' ba'i tshig dang / lan gyi tshig la mkhas pas sems can rnams dga' bar 'gyur te/ de la legs so legs so zhes bgyi ba yang stsol bar 'gyur la/ des kyang byang chub sems dpa'
102a₄ yi rangs par 'gyur ba dang / lha'i bu gang dag sngon sangs rgyas mthong ba/ chos zab mo la mos pa/ chos mnyan pa'i phyir der 'dus par gyur pa de dag sdug bsngal zhing yid mi bde ste/ yi ma rangs nas gang 'jig rten gyi dga' bas mngon par dga' ba'i sems can
102a₅ de dag la zab mo'i gtam gyi rgyun bcad de 'jig rten rgyang pa na pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos yongs su 'dzin pa ma yin no/ /de ci'i phyir zhe na/ don zab mo'i phyir sangs rgyas bcom ldan 'das
102a₆ rnams 'byung gi/ 'jig rten rgyang pa na pa'i gtam sna tshogs kyi phyir ma yin no/ /zhes mchi zhing 'khor de nas mchi bar 'gyur ba de lta bu'i tshig smra'o/ /bcom ldan 'das de lta bas na byang chub sems dpa' gang 'jig rten rgyang pa na pa'i bka' mchid sna tshogs bgyid
102a₇ kyi zab mo'i bka' mchid 'chab pa de ni sangs rgyas 'byung ba nub par bgyi ba'i slad du zhugs pa lags te/ bcom ldan 'das 'di ni byang chub sems dpa'i bka' mchid zab mo 'chab cing 'jig rten rgyang pa na pa dang rab tu ldan pa'i bdud kyi lcags kyu ste dgu pa'o/ /bcom ldan

_{iiif viewer powered by OpenSeadragon}

101b - 102b

Texts on this page