| e-texts navigator |
| བོད་ཡིག |
101b1 bdud kyi lcags kyu ste drug pa'o/ /bcom ldan 'das gzhan yang byang chub sems dpa' dgon pa par gyur te/ bas mtha'i gnas mal la mngon par dga' zhing 'dod pa chung la chog shes te/ rab tu dben cing khyim pa dang rab tu byung ba rnams dang mi 'dre ste/ de don
101b2 nyung ba dang bgyi ba nyung bas bde bar gnas te g.yo ba ma mchis kyang mang du thos pa yongs su btsal ba dang / sems can yongs su smin par bgyi ba dang / chos mnyan pa la brtson par mi gnas/ chos kyi 'bel ba'i bka' mchid dang don rnam par nges pa'i bka' mchid
101b3 bgyi ba la rgyun dgum par sems te/ yongs su 'dri ba'i rang bzhin can ma lags/ dge ba'i ci zhes tshol ba la mi brtson/ de dgon pa la gnas pa dang gcig pur dga' bas nyon mongs pa rnams kun tu mi rgyu ba ste/ de kun nas ldang ba gnon pa tsam gyis dga' ba
101b4 thob cing bag la nyal yang dag par gzhom pa'i slad du lam sgom par mi bgyid/ de de na bdag gi don dang gzhan gyi don gyi slad du brtson par mi 'gyur ba 'di dag ni/ bcom ldan 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste
101b5 bdun pa'o/ /bcom ldan 'das gzhan yang byang chub sems dpa' mang du thos par gyur te/ chos kyi gtam can ni tshig mnyan par 'os pa/ tshig gzung bar 'os pa/ snyan pa sna tshogs kyi gtam can dang spobs pa phun sum tshogs par gyur kyang de zang zing gi slad du
101b6 chos ston te/ zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams mchi bar 'gyur ba de dag la chos ston gyi sems can gang dag dad pa dang ldan zhing dang ba mang ba/ legs
101b7 par bshad pa'i don 'tshal bar nus shing stobs dang ldan pa zang zing gis de rjes su 'dzin par mi bgyid pa de dag la chos mi ston pa dang / gang dag de la 'ged par bgyid pa ni dman pa/ dman par gyur pa/ gti mug gi rang bzhin can/ chos rgya chen po'i snod du ma gyur pa
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo