| e-texts navigator |
| བོད་ཡིག |
100b1 bzod pa dang rab tu ldan pa'i bdud kyi lcags kyu ste gsum pa'o/ /bcom ldan 'das gzhan yang byang chub sems dpa' brtson 'grus brtsams par gyur la/ de brtson 'grus brtsams par gnas kyang nyan thos dang rang sangs rgyas kyi theg pa la sems can rnams yongs su
100b2 smin par bgyid kyi theg pa chen po la sems can yongs su smin par mi bgyid/ nyan thos dang rang sangs rgyas kyi gtam rgyun du ston gyi theg pa chen po'i gtam 'chab par bgyid/ 'jig rten pa'i bgyi ba la zhal ta bgyid par brtson gyi 'jig rten las 'das pa'i chos
100b3 yongs su mi tshol/ de bzhin gshegs pa la mchod pas dga' ba thob ste/ 'di lta ste/ me tog dang / spos dang / phreng ba dang / bdug pa dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis de
100b4 bzhin gshegs pa rnams la mchod par bgyid de de la gzhol/ de la 'bab/ de la bab par gyur kyang thos pa yongs su btsal ba dang / thos pa bstan pa dang / thos pa la so sor brtag pa dang / thos pa sgrub par brtson 'grus mi rtsom na bcom ldan 'das 'di ni
100b5 byang chub sems dpa'i brtson 'grus dang rab tu ldan pa'i bdud kyi lcags kyu ste bzhi pa'o/ /bcom ldan 'das gzhan yang byang chub sems dpa' bsam gtan bzhi skyed/ gzugs ma mchis pa'i snyoms par 'jug pa bzhi skyed cing sgrub ste/ de dag la rgyun du mang
100b6 du gnas par gyur la/ de zhi ba'i snyoms par 'jug pa de dag la gnas shing / sems can yongs su smin par bgyid pa la smod/ chos bstan pa la smod/ sems can dang 'dre ba la smod/ bsod nams kyi 'du byed rnams la smod cing mi g.yo ba'i 'du byed kyi ro
100b7 myong bar bgyid cing / gcig pur dga' bas dga' ba thob ste/ 'bad pa chung ngur gnas par gyur nas/ bsam gtan las ldog par yongs su mi tshol gyi/ 'dod pa'i khams dang / gzugs kyi khams la gsad par 'du shes shing gzugs ma mchis pa'i khams
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo