| e-texts navigator |
| བོད་ཡིག |
100a1 tu phyin pa la spyod pa ni mi phangs pa'i dngos po yongs su btang ba'i sems 'jug gi phangs pa'i dngos po yongs su btang ba'i sems mi 'jug pa dang / sems can gang dag de la dga' bar gyur pa de dag la ni sbyin par bgyid sems can gang dag dga' bar ma
100a2 gyur pa de dag la ni sbyin par mi bgyid cing des dngos po tha dad du bgyid sems can tha dad du bgyid na/ bcom ldan 'das 'di ni byang chub sems dpa'i sbyin pa dang rab tu ldan pa'i bdud kyi lcags kyu ste dang po'o/ /bcom ldan 'das gzhan yang byang chub sems dpa' tshul
100a3 khrims dang ldan zhing dge ba'i chos can du gyur te/ so sor thar pa'i sdom pas bsdams/ cho ga dang spyod yul phun sum tshogs/ kha na ma tho ba phra rags la yang 'jigs par lta/ 'tsho ba yongs su dag /bslab pa'i gnas yang dag par blangs pa rnams la
100a4 slob ste/ de tshul khrims dang ldan pa'i dge slong dang bram ze la bsnyen cing sten la bsnyen bkur bgyid de tshul khrims 'chal pa'i sems can rnams la khro ba dang sdang ba dang zhe 'gras par bgyid cing tshul khrims de nyid kyis bdag la stod de gzhan la smod na/ bcom ldan 'das
100a5 'di ni byang chub sems dpa'i tshul khrims dang rab tu ldan pa'i bdud kyi lcags kyu ste gnyis pa'o/ /bcom ldan 'das gzhan yang byang chub sems dpa' bzod pa sgrub ste/ lus kyis kyang bzod ngag gis kyang bzod na/ sems kyis gnod pa bgyid de/ de sems can
100a6 stobs dang ldan pa rnams la ni bzod/ sems can nyam chung ba rnams la ni mi bzod pa sems can stobs dang ldan pa rnams la ni bzod pa'i stobs nye bar ston/ sems can nyam chung ba rnams la ni gnod sems kyi sems kyi stobs nye bar ston te/ de re zhig
100a7 ni bzod re zhig ni mi bzod/ kha cig la ni bzod/ kha cig la ni mi bzod la de gang gi tshe bzod pa de'i tshe bzod pas rgyags te rlom sems su bgyid/ gang gi tshe mi bzod pa de'i tshe ni myur du so sor mi 'chags na/ bcom ldan 'das 'di ni byang chub sems dpa'
iiif viewer powered by OpenSeadragon
Texts on this page
D152 - 'phags pa blo gros rgya mtshos zhus pa zhes bya ba'i theg pa chen po'i mdo