| e-texts navigator |
| བོད་ཡིག |
36a1 so/ /'jam dpal gyis gsol pa/ bcom ldan 'das de bzhin gshegs pa rnams ni btang snyoms su bzhugs pa ma lags so/ /bcom ldan 'das kyis bka' stsal pa/ rigs kyi bu nga ni sems can gyi khams yal bar 'dor ba ma yin te/ rigs kyi bu 'on kyang byang chub
36a2 sems dpa' rnams kyi bstan pa ni bstan pa tshad med cing bstan pa bsam gyis mi khyab bo/ /de nas 'jam dpal gzhon nur gyur pas yang bcom ldan 'das la 'di skad ces gsol to/ /bcom ldan 'das kyis dkon mchog ta la la zhes bgyi ba'i gzungs bshad du gsol/
36a3 bcom ldan 'das kyis bka' stsal pa/ rigs kyi bu byang chub sems dpa' kun tu bzang po 'di la dris shig dang / 'dis khyod la ston par 'gyur ro/ /de ci'i phyir zhe na/ rigs kyi bu skyes bu dam pa 'di ni ye shes kyi tshogs la gnas pa'o/ /'jam dpal gyis gsol pa/ gal te de
36a4 bzhin gshegs pas bdag la dgongs na bdag gis skyes bu dam pa 'di la dri bar bgyi'o/ /bcom ldan 'das kyis bka' stsal pa/ 'jam dpal khyod kyis ting nge 'dzin rdul phra rab kyi rdul snyed thob pa yin na de bzhin gshegs pa la gsol ba gdab ci dgos/ rigs kyi bu
36a5 khyod ni sangs rgyas kyi chos thams cad la skal pa dang ldan pa yin no/ /'jam dpal gyis gsol pa/ bcom ldan 'das bdag gis sangs rgyas kyi chos gang dag kun tu bsten pa dang / bsgoms pa dang mang du bgyis pa de thams cad ni de bzhin gshegs pa'i skyes bu'i mthur
36a6 rig par bgyi'o/ /bcom ldan 'das kyis bka' stsal pa/ rigs kyi bu legs so legs so/ /khyod kyis tshig 'di legs par smras te/ 'on kyang 'jam dpal nga khyod la gsol ba 'debs kyis khyod byang chub sems dpa' kun tu bzang po la dris shig /de nas bcom ldan
36a7 'das la 'jam dpal gzhon nur gyur pas 'di skad ces gsol to/ /bcom ldan 'das byang chub sems dpa' kun tu bzang po 'di ni shin tu zab mo ston pa ste/ theg pa chen po rtogs par khong du chud pa lags so/ /bcom ldan 'das kyis bka' stsal pa/ rigs kyi bu
iiif viewer powered by OpenSeadragon
Texts on this page
D145 - 'phags pa dkon mchog ta la la'i gzungs zhes bya ba theg pa chen po'i mdo