rKTs

e-texts navigator

Volume

Page

35a₁ pa dbyangs sgra thogs pa med pa/ sangs rgyas kyi zhing dpag tu med pa zil gyis gnon pa la mkhas pa/ mi 'jigs pa la gnas pa/ rjes su chags pa dang khong khro ba dang bral ba/ yid du 'ong ba'i dbyangs dang ldan pa/ khams gsum la ma chags pa/ g.yog
35a₂ 'khor mi phyed pa dang ldan pa/ thams cad mkhyen pa nyid las nges par skyes pa/ ting nge 'dzin dang snyoms par 'jug pa tshad med pa dang ldan pa/ re ba thams cad yongs su skong ba/ shes rab kyi pha rol tu phyin pa rtogs par khong du chud pa/ lus dang ngag dang yid kyi las kyi mtha'
35a₃ don yod pa la mos pa/ thams cad mkhyen pa nyid la mngon par brtson pa/ ting nge 'dzin dang spyod pa tshad med par byin gyis brlabs pa/ mi 'jigs pa thob pa/ stong pa nyid spyod yul ba/ mtshan ma med pa la gnas pa sha stag dang yang thabs cig go/ /de nas byang chub sems dpa'
35a₄ sems dpa' chen po kun tu bzang po zhes bya ba 'khor de nyid du 'dus par gyur te 'dug pa des bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das chos kyi dbyings ji ltar rtogs par bgyi/ bcom ldan 'das kyis
35a₅ bka' stsal pa/ rigs kyi bu chos kyi dbyings ni dngos po med par rtogs par bya'o/ /rigs kyi bu chos kyi dbyings ni nam mkha' dang mtshungs pa dang / spros pa med pa dang ma spros pa dang blang ba med pa dang dor ba med pa dang dngos po med pa dang / gnas pa med pa ste de ltar rtogs par bya'o/ /
35a₆ byang chub sems dpa' kun tu bzang pos gsol pa/ bcom ldan 'das ci lags/ chos kyi dbyings 'byung ba lags sam/ bcom ldan 'das kyis bka' stsal pa/ rigs kyi bu chos kyi dbyings ni 'byung ba med pa'o/ /rigs kyi bu chos kyi dbyings ni bsam gyis mi khyab pa'o/ /
35a₇ rigs kyi bu chos kyi dbyings ni dngos po med par rtogs pa ste/ dngos po gang du yang brjod par bya ba ma yin zhing bstan par bya ba ma yin pa'o/ /byang chub sems dpa' kun tu bzang pos gsol pa/ bcom ldan 'das byang chub la rnam pa du mchis/ bcom ldan 'das

_{iiif viewer powered by OpenSeadragon}

34b - 35b

Texts on this page