| e-texts navigator |
| བོད་ཡིག |
330a1 par byed par 'gyur ro/ /de nas bcom ldan 'das kyis de'i tshe sku las 'di lta bu'i 'od rab tu btang bas 'od des phyogs bcu'i sangs rgyas kyi zhing thams cad rgyas par gang bar gyur to/ /chos kyi rnam grangs 'di'i thog ma dang / bar ma dang / tha ma bshad pa na sems can dpag tu med
330a2 grangs med pa ni byang chub tu sems skyes so/ /sems can dpag tu med grangs med pa dag ni bzod pa thob par gyur to/ /sems can la la dag ni sems rnam par grol lo/ /la la dag ni chos kyi mig rnam par dag go/ /la la dag ni 'dod chags dang bral ba rnyed do/ /la la dag ni lha dang mi'i phun
330a3 sum tshogs pa yongs su bzung bar gyur te/ sangs rgyas gzhan dag la yang lta ba'i phyir rgyu bsags par yang gyur to/ /de dag thams cad la yang bcom ldan 'das rjes su thugs rang ngo / /bcom ldan 'das kyis de skad ces bka' stsal nas/ byang chub sems dpa' sems dpa' chen po nam
330a4 mkha' mdzod dang / byang chub sems dpa' sems dpa' chen po byams pa dang / byang chub sems dpa' ltad mo can dang / byang chub sems dpa' lag na rin po che dang / byang chub sems dpa' rin chen dpal dang / byang chub sems dpa' yon tan rgyal po'i 'od dang / byang chub sems dpa'
330a5 bsod nams kyis brgyan pa dang / byang chub sems dpa' ngan song spong ba dang / byang chub sems dpa' chos kyi rgyal po dang / tshe dang ldan pa shA ri'i bu dang / tshe dang ldan pa 'od srung chen po dang / tshe dang ldan pa kun dga' bo dang / mi mjed kyi bdag po tshangs pa dang / lha'i dbang po brgya byin dang /
330a6 rgyal po chen po bzhi dang / dge slong de dag dang / byang chub sems dpa' de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do// //'dus pa chen po'i le'u las 'phags
330a7 pa nam mkha' mdzod kyis zhus pa zhes bya ba theg pa chen po'i mdo rdzogs so/ / //rgya gar gyi mkhan po bi dza ya shI la dang / shI len dra bo d+hi dang / zhu chen gyi lo ts+tsha ba ban de ye shes sdes bsgyur te skad gsar chad kyis kyang bcos nas gtan la phab pa// //
iiif viewer powered by OpenSeadragon
Texts on this page
D148 - 'phags pa nam mkha' mdzod kyis zhus pa zhes bya ba theg pa chen po'i mdo