| e-texts navigator |
| བོད་ཡིག |
243a1 @##/ rgya gar skad du/ Ar+ya ga ga na gany+dza pa ri pr-its+tsha nA ma ma hA yA na sU tra/ bod skad du/ 'phags pa nam mkha' mdzod kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la
243a2 phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa'i spyod yul rin po che bkod pa'i 'khor gyi khyams de bzhin gshegs pa'i gnas/ bsod nams chen po'i rgyan gyis tshogs bsags pa/ spyod pa chen po'i rgyu 'thun
243a3 pa/ sangs rgyas kyi chos thams cad rnam par smin pas mngon par grub pa/ byang chub sems dpa' sems dpa' chen po'i gnas mtha' yas pa nges par bstan pa/ de bzhin gshegs pa'i rnam par sprul pa'i byin gyi rlabs/ mi chags pa'i spyod yul gyi ye shes
243a4 la 'jug pa/ dga' ba rgya chen po rab tu skyed pa/ dran pa dang / blo gros dang / rtogs pa la 'jug pa/ kun nas ma smad pa/ ye shes kyis rnam par dpyod pa/ de'i rang bzhin ma yin pa la 'jug pa/ phyi ma'i mtha'i bskal par mngon du bstod pa/ yon tan gyi tshogs
243a5 thams cad dpag tu med pa na bzhugs te/ bcom ldan 'das chos thams cad kyi mnyam pa nyid ni mngon par rdzogs par sangs rgyas/ chos kyi 'khor lo ni rab tu bskor/ slob ma shin tu dul ba mtha' yas pa'i tshogs ni mnga'/ chos thams cad la ni mnga' brnyes/ sems
243a6 can thams cad kyi bsam pa'i bya ba ni shin tu mkhyen/ dbang po dam pa'i pha rol du ni byon/ sems can thams cad kyi nyon mongs pa'i bag chags kyis mtshams sbyor ba yang dag par 'joms pa la ni mkhas shing / sangs rgyas kyi mdzad pa lhun gyis grub pa ni rgyun ma bcad do/ /
243a7 dge slong sa ya phrag drug gi dge slong gi dge 'dun chen po dang thabs cig ste/ thams cad kyang cang shes kyi sems dang ldan pa/ yang dag pa'i shes pas sems shin tu rnam par grol ba/ nyon mongs pa thams cad kyi bag chags kyis mtshams sbyor ba yang dag par 'joms
iiif viewer powered by OpenSeadragon
Texts on this page
D148 - 'phags pa nam mkha' mdzod kyis zhus pa zhes bya ba theg pa chen po'i mdo