rKTs

e-texts navigator

Volume

Page

188b₁ yang sngon ma mthong na/ bdag de'i gan du song ste/ tshe dang ldan pa khyod kyi ston pa gang yin/ gang las rab tu byung / gang gis chos la dga' zhes 'dri'o snyam nas/ kun tu rgyu nye rgyal tshe dang ldan pa rta thul ga la ba der song ste phyin nas/ tshe dang ldan pa rta thul dang lhan cig mngon du yang dag par dga'
188b₂ bar bya ba dang / yang dag par mgu bar bya ba'i gtam sna tshogs byas te/ phyogs gcig tu 'dug go/ /phyogs gcig tu 'dug nas/ kun tu rgyu nye rgyal gyis tshe dang ldan pa rta thul la 'di skad ces smras so/ /tshe dang ldan pa khyod kyi ston pa gang / gang las rab tu byung / gang gi chos
188b₃ la dga'/ de nas tshe dang ldan pa rta thul gyis kun tu rgyu nye rgyal la 'di skad ces smras so/ /shAkya'i sras po brtul zhugs dka' thub chen po kun gyi dam pa dbang dang ldan/ /'khor ba'i rgya mtsho'i pha rol phyin cing grol la de bzhin 'gro ba sgrol mdzad pa/ /sangs rgyas zhes bya sad
188b₄ mdzad mi mnyam sdug bsngal mtsho skems da ltar 'di na yod/ /dri ma med pa de yi skyabs su nga song nga ni de yi chos la dga'/ /nye rgyal gyis smras pa/ khyod kyi ston pa ji skad smra/ ji skad ston/ tshe dang ldan pa rta thul gyis smras pa/ de'i phyir tshe dang ldan pa legs par rab tu nyon la yid
188b₅ la zung shig dang ngas bshad do/ /ji ltar 'jig rten las dang nyon mongs rgyur bcas byed rgyur ldan 'byung dang / /las dang nyon mongs pa dag ldog rgyu de yang 'dren pas rab tu gsungs/ /gang na skye dang rga dang rgud pa'i sdug bsngal nges par mi gnas pa/ /thar pa'i mchog de smra ba'i khyu mchog
188b₆ de yis rang gis mkhyen te gsungs/ /de nas kun tu rgyu nye rgyal gyis chos kyi rnam grangs 'di thos nas/ chos rnams la chos kyi mig rdul med cing / dri ma dang bral la nyon mongs pa med pa skyes te/ des rgyun tu zhugs pa'i 'bras bu thob nas de'i tshe tshigs su bcad pa 'di skad ces smras so/ /
188b₇ sangs rgyas kyis ni shin tu rnyed dka' thos gter bdud rtsi'i chos bshad pa/ /'di ni rtag tu skye ba'i 'bab chu skems par bden par khong du chud/ /de ni 'gro ba rnams kyi sdug bsngal rab tu zhi bar 'gyur ba ste/ /lam 'di dam pa shes rab chos rnams bsgom pa mi mnyam byed pa yin/ /de nas kun

_{iiif viewer powered by OpenSeadragon}

188a - 189a

Texts on this page