rKTs

e-texts navigator

Volume

Page

178b₁ pas ni de bas kyang phyir zhing lhag pa dang / shin tu tshad med pa dag kyang rab tu mkhyen te/ dge slong dag ngas phyogs bcu'i 'jig rten gyi khams na de bzhin gshegs pa'i phun sum tshogs pa dang / sangs rgyas kyi zhing gi phun sum tshogs pa de lta bu dag mthong ba ni ngas bskal
178b₂ pa'am/ bskal pa brgya'am/ bskal pa stong ngam/ bskal pa 'bum 'am/ bskal pa bye ba'am/ bskal pa khrag khrig gam/ de bas kyang lhag pa de snyed du dpes rab tu phye ste rgya cher yang dag par rab tu brjod kyang mthar thug par 'gyur ba med do/ /dge slong dag
178b₃ ngas khyed cag nyan thos rnams la ston pa'i bya ba gang yin pa de yang byas te ngas chos la slob dpon gyi dpe mkhyud ma byas par phyi nang med par rnam pa thams cad du thams cad bstan zin te/ de las lhag par thob par bya ba ni tha na rtswa'i rtse mo'i cha shas tsam yang med kyis da khyed cag gis nan
178b₄ tan la gnas par bya'o/ /ngas khyed cag la mya ngan las 'da' ba'i chos kyang bstan/ mya ngan las 'da' bar 'gro ba'i lam yang bstan/ sems can rnams kyi dge ba'i rtsa ba shin tu dka' bdag kyang yang dag par bskyed/ bla na med pa yang dag par rdzogs pa'i byang chub kyang
178b₅ yang dag par bsgrubs zin gyis de bzhin du thams cad rjes su yongs su zung la ci nas kyang nyams par mi 'gyur ba de ltar gyis shig / de nas bcom ldan 'das kyis de'i tshe 'di lta bu'i rdzu 'phrul mngon par 'du bya ba mngon par 'du mdzad de/ de lta bu'i rdzu 'phrul mngon par 'du bya ba mngon
178b₆ par 'du mdzad pas sangs rgyas bcom ldan 'das de dag gis phyogs bcu'i 'jig rten gyi khams dag tu chos bstan pa de dag sangs rgyas kyi zhing 'di na gnas pa'i sems can rnams kyis thos par gyur te/ sangs rgyas bcom ldan 'das de dag gis chos gang dag bstan pa'i chos de dag ston cing
178b₇ chos de dag kun tu shes par gyur pa'i sems can gang gA'i klung gi bye ma snyed ni theg pa gsum la rab tu bkod par gyur to/ /bye ba 'bum phrag bcu ni bla na med pa yang dag par rdzogs pa'i byang chub la rab tu bkod par gyur to/ /srog chags bye ba khrag khrig 'bum phrag bcu ni rang byang chub la rab tu bkod par

_{iiif viewer powered by OpenSeadragon}

178a - 179a

Texts on this page