rKTs

e-texts navigator

Volume

Page

177b₁ srog chags bye ba phrag drug cu rtsa gnyis kyis bla na med pa yang dag par rdzogs pa'i byang chub tu sems bskyed nas bla na med pa yang dag par rdzogs pa'i byang chub ni 'byung bar dka' ba yin gyis/ bdag cag gis 'di nyid la sdug bsngal zad pa dang / nyon mongs pa'i mtha'
177b₂ ma dang / zag pa zad pa thob par bya'o snyam nas yang phyir mi ldog par gyur to/ /sems can dpag tu med pa rnams ni slob pa'i sa la bkod par gyur to/ /byang chub sems dpa' khrag khrig phrag bcu ni sems dang po bskyed pas yongs su grub par gyur to/ /byang
177b₃ chub sems dpa' bye ba 'bum phrag sum cu rtsa gnyis ni mi skye ba'i chos la bzod pa thob par gyur to/ /de nas bdud sdig can sdug bsngal zhing yid mi bde bar gyur te/ mchi mas brnangs shing ngu bzhin byung ste/ bcom ldan 'das la 'di skad ces gsol to/ /bcom
177b₄ ldan 'das bdag sems can rnams bdag gi yul las yang dag par 'da' bar ma gyur cig snyam nas/ gang gi slad du de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' bar 'tshal ba de nyid bcom ldan 'das nyams pa mi mnga'
177b₅ bas sku tshe'i tshad bskal par bzhugs pa dang 'dra bar skya rengs ma shar cing gdugs ma bdal bar yang sems can tshad ma mchis pa rnams kyi don gyi slad du 'di lta ste/ mya ngan las 'da' ba la rab tu bkod lags pas/ bcom ldan 'das de bzhin gshegs pas bdag gi yul stongs
177b₆ par mdzad lags so/ /de skad ces gsol pa dang / bcom ldan 'das kyis bdud sdig can la 'di skad ces bka' stsal to/ /sdig can sems can gang dag dge ba'i chos rnams la mngon par mi brtson pa dang / gang dag de bzhin gshegs pa'i yul la dad par mi byed pa de dag khyod kyi
177b₇ grogs yin la/ khyod kyang de dag gi grogs yin pas sdig can khyod kyi grogs mang du yod kyis/ sdig can ngu bar ma byed smre sngags ma 'don cig /de nas bcom ldan 'das kyis de'i tshe phyag gis sen mo'i rtse mos sa gzhi chen po las sa'i rdul zhig blangs nas bdud sdig can la bka' stsal pa/

_{iiif viewer powered by OpenSeadragon}

177a - 178a

Texts on this page