rKTs

e-texts navigator

Volume

Page

177a₁ thogs pa med pa chags pa med pa'i yul du snang ba ni de dag yin te/ de bzhin gshegs pas de ltar rab tu mkhyen to/ /de bzhin gshegs pas rab tu mkhyen pa gang yin pa ni de bas kyang lhag pa dang / lhag pa bas kyang lhag pa dang / bsam gyis mi
177a₂ khyab pa dang / ches bsam gyis mi khyab pa dang / gong ma dang / ches gong ma dang / tshad med pa dang / ches tshad med pa dag kyang rab tu mkhyen to/ /sha'i spyan tha mal pas kyang de ltar de bzhin gshegs pa tshad med pa dang / de ltar gzhal du med pa dang / de
177a₃ ltar bgrang du med pa dang / de ltar grangs med pa yin na/ sangs rgyas kyi chos rnams kyis lta smos kyang ci dgos/ dge slong dag 'di lta ste/ dper na khyim pa'am rab tu byung ba gang la la zhig gis sangs rgyas kyi zhing 'di'i sems can thams cad bla na med pa yang dag
177a₄ par rdzogs pa'i byang chub mngon par rdzogs par sangs rgyas te/ stobs bcu dang / mi 'jigs pa thob par gyur pa de dag la bskal pa yongs su rdzogs par bkur stir byas/ bla mar byas/ ri mor byas/ mchod par byas/ rjed par byas/ gsol bar byas te/ mchod pa sna
177a₅ tshogs bsam gyis mi khyab pa dag gis mchod pa byas pa bas/ rigs kyi bu'am/ rigs kyi bu mo la la zhig gis sangs rgyas thams cad rnam par 'byed pa yang dag par rab tu ston pa'i chos kyi rnam grangs 'di la dad pa'i sems bskyed pa gcig tsam skyed cing the tsom med pa'i blos yang dag pa'i 'du shes
177a₆ bskyed par gyur na/ sems bskyed ma thag tu de bas ches bsod nams mang du skye bar 'gyur zhing sangs rgyas kyi yon tan mang po dag dang yang nye bar 'gyur gyi/ stong gsum gyi stong chen po'i 'jig rten gyi khams kyi sems can thams cad kyis thams cad mkhyen pa nyid thob par gyur pa la bskal par bsnyen bkur byas pas
177a₇ ni de lta ma yin no/ /byang chub sems dpa' sems dpa' chen po gang zhig ye shes 'di la mos par byed pa de ni sangs rgyas bcom ldan 'das rnams dang nye bar 'gyur zhing / de ni bla na med pa yang dag par rdzogs pa'i byang chub dang yang nye bar 'gyur ro/ /sha'i spyan bshad pa lung bstan pa 'di bshad pa na

_{iiif viewer powered by OpenSeadragon}

176b - 177b

Texts on this page