rKTs

e-texts navigator

Volume

Page

148b₁ smre sngags 'don to/ /de nas lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po 'khor dang bcas pa de dag mya ngan byed cing smre sngags 'don bzhin du bcom ldan 'das ga la ba der dong ste phyin nas bcom ldan 'das
148b₂ kyi spyan sngar shing bcad de 'gyel ba bzhin du sa la sgyel nas kha cig ni bcom ldan 'das kyi zhabs gnyis la 'dud do/ /kha cig ni gdung ba'i sgra chen po 'byin to/ /kha cig ni gdung ba'i sgra 'byin cing sa la 'gre'o/ /kha cig ni bcom ldan 'das kyi spyan sngar 'khod nas lag pa gnam
148b₃ du bsgrengs te/ e ma'o sangs rgyas/ e ma'o sangs rgyas/ e ma'o mgon po/ e ma'o thugs rje can sems can thams cad la thugs brtse zhing skyob par mdzad pa/ e ma'o 'jig rten gsum gyi skyabs dang dpung gnyen sems can thams cad la mig stsol bar mdzad pa/ e ma'o rten
148b₄ med pa rnams kyi rten mdzad pa/ 'jig rten stongs par 'gyur ro/ /sems can thams cad ldongs par 'gyur ro/ /sangs rgyas dkon mchog med par 'gyur ro/ /zhes smre sngags 'don cing de dag phan tshun lag pa sbrel te snying rje rje skad du ma shi ba'i smre sngags lta bus smre sngags 'don
148b₅ to/ /pha shi ba dang / phu nu shi ba dang / bu shi ba'i smre sngags lta bus smre sngags 'don cing / e ma'o mgon po/ e ma'o dge ba'i bshes gnyen/ e ma'o snyan cing 'jam pa gsung ba/ e ma'o seng ge dang / glang po che dang / khyu mchog gi stobs can/ e ma'o bdud rtsi'i
148b₆ go 'phang ston pa zhes rnam pa sna tshogs mang por smre sngags 'don to/ /kha cig ni bar snang la song ste bdag nyid brdabs nas de dag sa la lhung ba dang / sa la 'gre ldog cing snying thag pa nas snying rje bar smre zhing smre sngags 'don to/ /de nas tshe dang ldan pa kun dga' bo brgyal nas shing bcad de
148b₇ 'gyel ba bzhin du sa la 'gyel to/ /des yang 'du shes phyir rnyed nas bcom ldan 'das kyi spyan sngar lag pa gnyis sa la btsugs te bcom ldan 'das kyi zhal du lta zhing de'i tshe tshigs su bcad pa 'di dag gsol to/ /sems can shin tu sdug bsngal la/ /ngu zhing smre sngags 'don bgyid

_{iiif viewer powered by OpenSeadragon}

148a - 149a

Texts on this page