rKTs

e-texts navigator

Volume

Page

148a₁ nu dang / gnod sbyin gyi bu mo dang / sha za dang / sha za rgan po dang / sha za gzhon nu dang / sha za gzhon nu ma ji snyed pa rnams dang / 'gro ba rnams lha ma yin dang / nam mkha' lding dang / mi'am ci dang / lto 'phye chen po dang / mi dang mi ma yin pa dang / skar
148a₂ ma ji snyed pa de dag thams cad mig mchi mas gang ste mya ngan byed cing smre sngags 'don la ngud mos 'debs shing yang dang yang du smre ste/ sdug bsngal zhing yid mi bde la mya ngan gyi zug rngus gzir bas lag pa gnam du bsgreng ste/ ngud mos 'debs par byed do/ /yang kha cig
148a₃ ni lag pa sbrel cing ngu'o/ /kha cig ni phan tshun mgo sprad de gcig gi gdong du gcig lta zhing ngu'o/ /kha cig ni kha gdangs te nyam thag pa'i nga ro 'byin cing smre sngags 'don la dbang po nyams shing bzhin gyi dkyil 'khor mog mog por gyur te rkang lag sgyur zhing ngu'o/ /yang de na kha cig ni
148a₄ gcig la gcig lta zhing ngu'o/ /kha cig ni klad pa rdebs par byed do/ /kha cig ni lag pa gnyis kyis mgo la rdebs shing lus rab tu snyon smongs par byed do/ /kha cig ni mig sgyur zhing ngud mos 'debs la rkang mthil bsregs pa bzhin du sgyid pa 'dar la cho nges 'debs shing smre
148a₅ sngags 'don to/ /kha cig ni e ma'o sangs rgyas/ e ma'o sangs rgyas zhes smre sngags 'don cing gdong mchi mas gang la sdug bsngal zhing nyam thag ste/ lag mthil gyis mig nyed cing cho nges 'debs la mya ngan byed cing mya ngan gyi zug rngus gzir bas bzhin gyi dkyil 'khor
148a₆ la 'drad cing mya ngan byed smre sngags 'don to/ /srog chags bye ba phrag mang po gzhan dag ni mchi mas brnangs bzhin du mchi ma klog cing sgra chen po 'byin to/ /kha cig ni thal mo sbyar te mchi ma klog cing smre sngags 'don to/ /kha cig ni mya ngan gyi mes gdungs nas lag pa g.yas
148a₇ pas mgo bo la 'dzin cing smre sngags 'don to/ /de bzhin du gzhan dag kyang lus yongs su rmya nas lag pa g.yon pas mgo bo la 'dzin cing smre sngags 'don to/ /kha cig ni lag pa rdebs la bzhin gyi dkyil 'khor gyi mdog nyams shing sngon por gyur la/ mya ngan gyis nyam thag cing

_{iiif viewer powered by OpenSeadragon}

147b - 148b

Texts on this page