rKTs

e-texts navigator

Volume

Page

147a₁ ltar ri rab kyi rtse mo de dag kyang gang dag ri'i rgyal po ri rab la rten cing gnas pa'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po de dag gis bcom ldan 'das yongs su mya ngan las 'da' ba thos nas mya ngan gyi zug
147a₂ rngus gzir cing bcom ldan 'das shAkya thub pa/ shAkya'i bdag po'i rgyal po bskal pa bye ba grangs med pa nas yang dag par bsgrubs pa/ dge ba'i rtsa ba shin tu yongs su dag pa dang ldan pa de de ring gyad rnams dang nye ba na yod pa shing sA la zung gi drung du len pa med par yongs su mya ngan las
147a₃ 'da' bar 'gyur te/ deng ni lha dang bcas pa'i 'jig rten gyi mig zum par 'gyur ro zhes de dag ku sha'i grong khyer logs su mngon par phyogs te/ rings pa rings par brtad cing dong ba dag gis ri'i rgyal po ri rab kyi rtse mo de dag kun tu rab tu bsgul cing kun du rab tu bskyod de rings pa rings par brtad
147a₄ pa de dag gis ri'i rgyal po ri rab dang / rgya mtsho chen po yang g.yos shing 'khrugs par gyur te de'i phyir ri'i rgyal po ri rab kyi rtse mo de dag rgya mtsho chen po'i nang du lhung bar gyur to/ /de nas tshe dang ldan pa ma 'gags pa ri rab kyi spo la 'dug pas de'i tshe sgra skad chen po phyung ste tshigs su bcad pa 'di dag smras
147a₅ so/ /'jig rten rnams kyi ded dpon gang yin pa/ /gang gis 'jig rten bde ba stsol mdzad cing / /sems can rnams kyi sbyin gnas gang yin pa/ /thub pa de ni de ring mya ngan 'da'/ /ye shes 'byung gnas rab rib mun bcom zhing / /'jig rten srog chags rnams kyi pha dang ma/ /
147a₆ de bzhin skyabs dang dpung gnyen gang yin pa/ /thub pa de ni de ring mya ngan 'da'/ /zug rngu 'byin mdzad sdig med nyon mongs med/ /gso mdzad dam pa sman pa chen po ste/ /mi dge'i zug rngu 'byin mchog gang yin pa/ /thub pa de ni de ring mya ngan 'da'/ /gang zhig sems can chags dang sdang
147a₇ bas bcom/ /rmongs pas zil non rga dang 'chi la chags/ /'gags 'gal lam log zhugs pa gzigs nas ni/ /'jig rten thugs rje bskyed nas chos ston cing / /gang zhig bdud sde rab gtum drag po'i gzugs/ /sna tshogs gzugs can mtshon sra rdo rje thogs/ /kha cig 'jigs pa

_{iiif viewer powered by OpenSeadragon}

146b - 147b

Texts on this page