| e-texts navigator |
| བོད་ཡིག |
144b1 dngul khyer te sbyar bar byas pas mi des chos kyi bshad zin nas/ de'i tshe dga' bo dang / byang chub sems dpa' dang / phal sde bzhin kun shin tu dga' ste/ sems kyis yang dag pa'i mir gyur pa thob nas sangs rgyas kyi zhabs la spyi bos phyag 'tshal te dga' nas gus par spyod do/ /
144b2 rdo rje'i ting nge 'dzin gyi chos kyi yi ge rdzogs so/ @#/ /rgya gar skad du/ Ar+ya tsa tur da ra ka sa mA d+hi nA ma ma hA yA na sU tra/ bod skad du/ 'phags pa khye'u bzhi'i ting nge 'dzin zhes bya ba theg pa chen po'i mdo/ bam po dang po/ sangs rgyas
144b3 dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yongs su mya ngan las 'da' ba de nyid kyi dus kyi tshe ku sha'i grong khyer na gyad rnams dang nye ba na yod pa shing sA la zung gi tshal na shing sA la zung gi bar na bzhugs
144b4 so/ /de nas tshe dang ldan pa kun dga' bo bcom ldan 'das ga la ba der song ste phyin nas bcom ldan 'das kyi spyan sngar thal mo sbyar te bcom ldan 'das la mig mi 'dzums par rtog cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ go'u ta ma'i bu
144b5 khyod ci'i phyir de bzhin gshegs pa la mig mi 'dzums par rtog par byed/ de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das mdang bdag gis de bzhin gshegs pa yongs su mya ngan las 'da' ba'i snga ltas g.yar lam 'jigs
144b6 pa chen po 'jigs su rung ba spu zing zhes bgyid pa zhig rmis lags te/ bcom ldan 'das bdag g.yar lam de rmis nas bcom ldan 'das shin tu myur bar yongs su mya ngan las 'da' bar mi 'gyur lags grang snyam nas de'i slad du sdug bsngal zhing yid mi bde ba dang / mya ngan gyi zug rngus gzir
144b7 bar gyur lags so/ /bcom ldan 'das kyis bka' stsal pa/ go'u ta ma'i bu khyod kyi rmi lam na de bzhin gshegs pa yongs su mya ngan las 'da' ba'i snga ltas 'jigs pa ji lta bu zhig rmis/ de nas bcom ldan 'das kyis de'i tshe tshe dang ldan pa kun dga' bo la tshigs su bcad de bka'
iiif viewer powered by OpenSeadragon
Texts on this page
D135 - rdo rje'i ting nge 'dzin gyi chos kyi rnam grangs yi ge
D136 - 'phags pa khye'u bzhi'i ting nge 'dzin zhes bya ba theg pa chen po'i mdo