rKTs

e-texts navigator

Volume

Page

255a₁ yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa/ gzi brjid che ba/ gzi brjid che ba che zhing che ba 'ongs shing lhags pa/ dge ba'i rtsa ba bskyed pa/ rgya chen po la mos pa de dag thams cad kyang 'khor der tshogs shing 'khod
255a₂ par gyur to/ /de nas byang chub sems dpa' sems dpa' chen po blo gros brtan pa 'khor de nyid du 'dus par gyur te 'dug pa de 'di snyam du sems te/ gang bdag gis de bzhin gshegs pa dgra bcom pa yang dag par rdzogs pa'i sangs rgyas la ji lta bu'i zhu ba zhus pas sangs rgyas kyi rigs kyang
255a₃ yongs su 'dzin par 'gyur ba dang / chos kyi rigs kyang yongs su bsrung bar 'gyur ba dang / dge 'dun gyi rigs kyang shin tu yongs su 'dzin par 'gyur ba dang / bdud kyi gnas thams cad kyang mog mog por byas par 'gyur ba dang / gang zag lhag pa'i nga rgyal can rnams kyang shin tu tshar
255a₄ chod par 'gyur ba dang / sems can dge ba'i rtsa ba ma bskyed pa rnams kyang dge ba'i rtsa ba bskyed par 'gyur ba dang / sems can dge ba'i rtsa ba bskyed pa rnams kyang dge ba'i rtsa ba rgyas par 'phel bar 'gyur ba dang / sems can gang dag byang chub tu sems ma bskyed pa de dag kyang byang chub tu
255a₅ sems bskyed par 'gyur ba dang / sems can gang dag byang chub tu sems bskyed pa de dag kyang phyir mi ldog par 'gyur ba dang / gang dag phyir mi ldog pa de dag kyang myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba dang / sems can
255a₆ dmigs pa can thams cad dang / bdag tu mngon par zhen pa rnams kyang lta ba de dag las bskyod par 'gyur ba dang / sems can dman pa la mos pa rnams kyang sangs rgyas kyi chos rgya chen po la mos par 'gyur ba dang / sems can rgya chen po la mos pa rnams kyang mgu zhing mchog tu
255a₇ dga' bar 'gyur ba de lta bu'i zhu ba kun zhu bar bya'o snyam mo/ /de nas byang chub sems dpa' sems dpa' chen po blo gros brtan pa stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo

_{iiif viewer powered by OpenSeadragon}

254b - 255b

Texts on this page