rKTs

e-texts navigator

Volume

Page

212b₁ sgyu ma lta bu'i ting nge 'dzin 'di thob pa lags sam/ 'on te 'jig rten gyi khams gzhan dag na yang gang dag sgyu ma lta bu'i ting nge 'dzin 'di thob pa'i skyes bu dam pa dag kyang mchis/ bcom ldan 'das kyis bka' stsal pa/ pad ma'i dpal gyi snying po sangs rgyas kyi zhing 'di
212b₂ nas nub kyi phyogs cha logs su sangs rgyas kyi zhing bye ba brgya stong 'das pa na 'jig rten gyi khams bde ba can zhes bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas 'od dpag med ces bya ba da ltar bzhugs te 'tsho zhing gzhes la
212b₃ chos kyang ston to/ /sangs rgyas kyi zhing de na byang chub sems dpa' sems dpa' chen po spyan ras gzigs dbang phyug ces bya ba dang / byang chub sems dpa' sems dpa' chen po mthu chen thob ces bya ba dang gnyis ting nge 'dzin 'di thob pa yin te/ pad ma'i dpal gyi snying po skyes
212b₄ bu dam pa de gnyis las byang chub sems dpa' sems dpa' chen po gang gzhan dag nub bdun du 'dri ba'i lan nyan pa de dag sgyu ma lta bu'i ting nge 'dzin thob bo/ /de skad ces bka' stsal pa dang / bcom ldan 'das la byang chub sems dpa' sems dpa' chen po pad ma'i
212b₅ dpal gyi snying pos 'di skad ces gsol to/ /bcom ldan 'das sangs rgyas kyi zhing de na sgyu ma lta bu'i ting nge 'dzin thob pa'i byang chub sems dpa' sems dpa' chen po ni mang du mchis so/ /de ci'i slad du zhe na/ bcom ldan 'das 'di ltar sangs rgyas kyi zhing der skyes pa'i
212b₆ byang chub sems dpa' sems dpa' chen po de dag ni sgrim mi 'tshal bar skyes bu dam pa de gnyis las chos 'dri ba'i lan nyan pa'i slad du'o/ /bcom ldan 'das kyis bka' stsal pa/ pad ma'i dpal gyi snying po ji skad zer ba de de bzhin te/ de na byang chub sems dpa' sems
212b₇ dpa' chen po gang dag sgyu ma lta bu'i ting nge 'dzin la gnas pa dag ni tshad med grangs med do/ /de skad ces bka' stsal nas/ bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to/ /bcom ldan 'das

_{iiif viewer powered by OpenSeadragon}

212a - 213a

Texts on this page