| e-texts navigator |
| བོད་ཡིག |
212a1 ni rten cing 'brel par 'byung ba ste/ chos gang yang ther zug tu gnas pa ma yin no/ /chos thams cad ni rkyen las 'byung ba ste/ rkyen med par 'byung ba'i chos ni gang yang med do/ /chos gang rten cing 'brel par 'byung ba de ni ma skyes pa'o/ /de ltar
212a2 na chos thams cad ni skye ba med pa ste/ chos thams cad ma skyes par rtogs par gyur pa de ni byang chub sems dpa'i lam la 'jug pa rtogs pa 'thob bo/ /'di ltar sems can thams cad la phan pa'i dngos po dang / snying rje'i sems kyi rjes su 'jug pa rab tu 'thob
212a3 bo/ /de de ltar mos pas chos thams cad sgyu ma lta bur rab tu shes so/ /chos thams cad ni yongs su brtags pas sprul pa ste/ yongs su brtags pa de yang shin tu stong pa'o/ /chos thams cad stong par rtogs pa de ni sgyu ma lta bu'i ting nge 'dzin 'thob ste/ ting nge
212a4 'dzin de thob ma thag tu ji lta ji ltar sems can rnams dge ba'i rtsa ba yongs su rdzogs par 'gyur ba de lta de ltar lus mngon par sprul nas sems can rnams kyi mos pa ji lta ba de bzhin du chos ston pa dang / ci nas myur du bla na med pa yang dag par rdzogs pa'i byang
212a5 chub mngon par rdzogs par 'tshang rgya bar 'gyur ro/ /de skad ces bka' stsal nas/ bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to/ /bcom ldan 'das byang chub sems dpa' sems dpa' chen po sgyu ma
212a6 lta bu'i ting nge 'dzin 'di thob pa gang la la dag 'khor 'dir 'dus pa lta mchis sam/ bcom ldan 'das kyis bka' stsal pa/ pad ma'i dpal gyi snying po 'khor 'di na bsams bzhin du go cha bgos pa gang dag sgyu ma lta bu'i ting nge 'dzin 'di thob pa skyes bu dam pa drug cu yod de/
212a7 byang chub sems dpa' sems dpa' chen po byams pa dang / 'jam dpal gzhon nur gyur pa la sogs pa skyes bu dam pa drug cu po dag sgyu ma lta bu'i ting nge 'dzin 'di thob pa yin no/ /gsol pa/ bcom ldan 'das skyes bu dam pa 'di dag gis 'jig rten gyi khams 'di nyid du
iiif viewer powered by OpenSeadragon
Texts on this page
D130 - 'phags pa sgyu ma lta bu'i ting nge 'dzin zhes bya ba theg pa chen po'i mdo