rKTs

e-texts navigator

Volume

Page

211b₁ stsal to/ /pad ma'i dpal gyi snying po legs so legs so/ /pad ma'i dpal gyi snying po khyod ni 'di ltar sngon gyi rgyal ba la lhag par bya ba byas pa/ dge ba'i rtsa ba bsags pa/ sangs rgyas bye ba khrag khrig brgya stong mang po la bsnyen bkur byas pa ste/ khyod 'di ltar sems
211b₂ can thams cad la snying brtse ba dang / snying rje bar zhugs pas pad ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la don 'di 'dri bar sems pa ni legs so/ /pad ma'i dpal gyi snying po khyod de'i phyir legs par rab tu nyon la
211b₃ yid la zung shig dang / ngas khyod la bshad do/ /byang chub sems dpa' sems dpa' chen po pad ma'i dpal gyi snying pos bcom ldan 'das la legs so zhes gsol nas/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /pad
211b₄ ma'i dpal gyi snying po chos gcig dang ldan na/ byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa dang / mngon par shes pa lnga dang ldan pa dang / sgyu ma lta bu'i ting nge 'dzin kyang 'thob cing ting nge 'dzin de thob ma
211b₅ thag tu ji lta ji ltar sems can rnams kyi dge ba'i rtsa ba yongs su rdzogs par 'gyur ba de lta de ltar lus mngon par sprul nas/ sems can rnams kyi mos pa ji lta ba de bzhin du chos ston pa dang / ci nas myur du bla na med pa yang dag par rdzogs pa'i byang chub mngon par
211b₆ rdzogs par 'tshang rgya bar 'gyur ro/ /chos gcig po gang zhe na/ pad ma'i dpal gyi snying po 'di la byang chub sems dpa' khams gsum pa thams cad la mi gnas pa yin te/ nang ngam phyi rol la gnas par mi byed do/ /de gnas pa med pas yang dag pa mthong bar 'gyur
211b₇ ro/ /yang dag pa mthong bas yang dag pa la sbyor bar 'gyur ro/ /yang dag pa la sbyor bas ci la yang blo thogs par mi 'gyur ro/ /de blo thogs pa med pas yang dag pa'i bya ba la spyod do/ /yang dag pa'i bya ba la spyod pa de gang zhe na/ 'di lta ste/ chos thams cad

_{iiif viewer powered by OpenSeadragon}

211a - 212a

Texts on this page