rKTs

e-texts navigator

Volume

Page

211a₁ ldan 'das 'khor brgya stong du mas yongs su bskor cing mdun gyis bltas te chos ston to/ /de nas byang chub sems dpa' sems dpa' chen po pad ma'i dpal gyi snying po stan las langs te/ bla gos phrag pa gcig tu gzar nas pus mo g.yas pa'i lha nga sa la
211a₂ btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang
211a₃ dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol nas/ bcom ldan 'das kyis byang chub sems dpa' sems dpa' chen po pad ma'i dpal gyi snying po la 'di skad ces bka' stsal to/ /pad ma'i dpal gyi snying po khyod la de bzhin gshegs pas
211a₄ dris pa lung bstan pa'i phyir/ rtag tu skabs phyes pad ma'i dpal gyi snying po khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang ngas dris pa de dang de'i lung bstan pas khyod kyi sems rangs par bya'o/ /de skad ces bka' stsal
211a₅ nas/ bcom ldan 'das la byang chub sems dpa' sems dpa' chen po pad ma'i dpal gyi snying pos 'di skad ces gsol to/ /bcom ldan 'das ji ltar na byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa dang mngon par
211a₆ shes pa lnga dang ldan pa dang / sgyu ma lta bu'i ting nge 'dzin kyang 'thob cing / ting nge 'dzin de thob ma thag tu ji lta ji ltar sems can rnams kyi dge ba'i rtsa ba yongs su rdzogs par 'gyur ba de lta de ltar lus mngon par sprul nas sems can rnams kyi mos pa ji lta ba de bzhin du chos ston
211a₇ pa dang / ci nas myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba lags/ de skad ces gsol nas/ bcom ldan 'das kyis byang chub sems dpa' sems dpa' chen po pad ma'i dpal gyi snying po la 'di skad ces bka'

_{iiif viewer powered by OpenSeadragon}

210b - 211b

Texts on this page