| e-texts navigator |
| བོད་ཡིག |
210b1 dge bsnyen stong phrag dpag tu med pa dag dang / nyan thos chen po dag dang / lha dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po brgya phrag grangs med pa dag yi rangs te/ bcom ldan 'das kyis gsungs pa la mngon par
210b2 bstod do/ /'phags pa rab tu zhi ba rnam par nges pa'i cho 'phrul gyi ting nge 'dzin ces bya ba theg pa chen po'i mdo rdzogs so// //rgya gar gyi mkhan po dzi na mi tra dang dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis
210b3 kyang bcos nas gtan la phab pa/ / // @##/ /rgya gar skad du/ Ar+ya mA yo pa ma sa mA d+hi nA ma ma hA yA na sU tra/ bod skad du/ 'phags pa sgyu ma lta bu'i ting nge 'dzin ces bya ba theg pa chen po'i
210b4 mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer bA rA Na sI na drang srong lhung ba kyi nags na/ dgra bcom pa nyi khri'i dge slong gi
210b5 dge 'dun chen po dang / byang chub sems dpa' khri nyis stong la 'di lta ste/ byang chub sems dpa' sems dpa' chen po seng ge'i seng ge dang / seng ge'i blo gros dang / legs par gnas pa'i blo gros dang / dpe med blo gros dang / sa 'dzin dang / mes byin dang / chu
210b6 lha dang / dkon mchog 'byung gnas dang / phug sbas dang bzang skyong dang glog lha dang / rnam par snang byed dang / 'jam dpal gzhon nur gyur pa dang / ye shes 'byung gnas dang / brtson pa mi gtong dang / mthong ba don yod dang / byang chub sems dpa'
210b7 sems dpa' chen po byams pa la sogs pa khri nyis stong dang thabs cig tu bzhugs so/ /lha'i bu mtshams bzang dang legs par gnas pa'i blo gros la sogs pa thams cad kyang theg pa chen po la yang dag par zhugs pa nyi khri dang yang thabs cig go/ /de nas bcom
iiif viewer powered by OpenSeadragon
Texts on this page
D129 - 'phags pa rab tu zhi ba rnam par nges pa'i cho 'phrul gyi ting nge 'dzin zhes bya ba theg pa chen po'i mdo
D130 - 'phags pa sgyu ma lta bu'i ting nge 'dzin zhes bya ba theg pa chen po'i mdo