rKTs

e-texts navigator

Volume

Page

99b₁ sum cu rtsa gsum pa'i lha rnams kyi lo grangs pas kyang lhag par lo brgyad khri'i bar du sems can dmyal bar 'tshed par 'gyur na nyes pa sbom po lta ci smos te/ theg pa chen po 'di la ni nyes pa sbom po'i nyes pa byung ba dang bsten par mi bya'o/ /nyes pa sbom po zhes bya ba ni
99b₂ bcom ldan 'das kyi mchod rten bsrung ba'i phyir gzhan yongs su gzung ba la me tog gi phreng ba btags pa de rnyings nas srad bu dgos pa'i phyir len par byed de/ dge slong rnams la 'dzem nas dge slong rnams la ma dris par dge slong gis blangs na nyes pa sbom po'i
99b₃ nyes pa can du 'gyur ro/ /gal te 'di lta zhig gis cir yang mi 'gyur ro snyam du 'dzin te/ len par byed na yang de lta bu dag dang bsten par mi bya'o/ /rku ba'i sems kyis mchod rten bshig na yang nyes pa sbom po'i nyes pa can du 'gyur te/ de lta bu dag
99b₄ dang bsten par mi bya'o/ /'di na khyim bdag gam blon po la la zhig gis gal te chos kyi bsam pas sku gdung la bkur sti bya'am/ phag gu dgos pa'i phyir mchod rten rnying pa bshig ste/ blangs nas khyim bdag gam blon po des mchod rten de las gser
99b₅ dngul zhig byung na/ de dge slong 'ga' zhig gi lag tu gtad pa las dge slong des de blangs te/ bdag gi nor du byas la rtsod par byed na dge slong de la legs pa ma yin no/ /dge bsnyen de dag ni chos la gnas pa yin no/ /dge slong de ni yid brtan du mi rung ste
99b₆ bsten par mi bya'o/ /ma ning yin par shes par bya'o/ /mtshan gnyis pa yin par shes par bya'o/ /mtshan gnyis pa zhes bya ba ni gang la mtshan gnyis yod pa ste/ gang gi tshe skyes pa'i 'dod chags skyes pa de'i tshe ni bud med dang 'dod pa spyod par byed la/ gang gi tshe
99b₇ bud med kyi 'dod chags skyes pa de'i tshe ni skyes pa dang 'dod pa spyod par byed do/ /de bas na mtshan gnyis pa zhes bya ste de dang yang bsten par mi bya'o/ /de ltar de lta bu dag dang yang bsten par mi bya na bslab pa'i gzhi lnga'i nyes pa byed pa de dag lta la bstan du ga la rung // //

_{iiif viewer powered by OpenSeadragon}

99a - 100a

Texts on this page