| e-texts navigator |
| བོད་ཡིག |
99a1 bya'o/ /'on kyang bdag 'khor dang slob ma dag dang ldan par 'gyur ro/ /de nas sde tshan bcas dang / bza' ba dang / bca' ba dang / bldag pa dang / btung ba'i yo byad rnams rnyed par 'gyur ro/ /bud med rnams kyis kyang bkur bar
99a2 'gyur ro snyam pa'i sems kyi rtog pas nang mi dang g.yog 'khor rnams la shes par byed de/ de lta bur 'chab pa'i dge slong ngam/ dge slong ma ni mi'i chos las bla mar gyur pa'i nyes pa byung ba yin no zhes nga zer ro/ /gzhan yang 'di na dge slong la la dam pa'i chos
99a3 dbyung bar bya'o snyam pa'i sems kyis mal cha dang stan sar pa la 'dug cing / skye bo thams cad kyis kye ma dge slong 'di ni dge ba bzang po zhig go snyam du bdag dgra bcom pa ma yin par dgra bcom pa dang 'dra bar shes par bya'o/ /bdag de lta bu yin par shes pa
99a4 dang / dge slong mang po dag bdag gi 'khor du 'gyur ba 'di las phyi rol pa dag kyang dge bsnyen du 'gyur ro/ /tshul khrims 'chal pa rnams kyang zhum par 'gyur ro/ /de nas bdag gis dam pa'i chos kyang dbyung bar bya'o/ /de bzhin gshegs pa'i
99a5 che ba nyid kyang bstan par bya'o/ /shin tu rgyas pa'i mdo sde rnams kyang bsgrag par bya'o/ /sems can thams cad kyang nges par bsgral bar bya'o/ /'dul ba dang 'dul ba ma yin pa'i bye brag kyang phyed par bya'o/ /bdag la sangs rgyas su 'gyur ba'i sa bon de bzhin
99a6 gshegs pa'i snying po zhes bya ba yod de/ bdag gis sangs rgyas thob par 'gyur ro/ /bdag gis nyon mongs pa'i rnam pa rnams rnam par gzhom par bya'o/ /dge bsnyen khyed rnams la yang sangs rgyas kyi khams yod de/ bdag cag kun kyang sangs rgyas su 'gyur zhing de bzhin
99a7 gshegs pa'i sa thob par 'gyur ro/ /nyon mongs pa'i rnam pa rnams zad par bya'o snyam du sems pa de lta bu ni dam pa'i chos kyi rtog pa'i sgo nas byang chub sems dpa' yin te/ mi'i chos las bla mar gyur pa'i nyes pa byung ba ma yin no zhes nga zer ro/ /nyes byas kyi nyes pa byung bas kyang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo