rKTs

e-texts navigator

Volume

Page

97b₁ po yang med/ rtsod pa zhi bar bya ba'i chos bdun yang med/ nyes byas rnams kyang med/ nyes pa sbom po rnams kyang med/ mtshams med pa dang / 'dod chen pa yang med de/ sngar smos pa'i bslab pa'i gzhi de rnams med bzhin du gal te 'gal bar byas pas dge
97b₂ slong dag sems can dmyal bar 'gro bar 'gyur na/ de dag ni mu stegs can yin no/ /gang dag la de rnams med na de lta na ni mtho ris su 'gro bar 'gyur ro/ /bcom ldan 'das kyis ni bsdigs pa'i phyir 'dul ba las bslab pa'i gzhi rnams bka' stsal to/ /mi tshangs par
97b₃ spyod pa bsten par 'dod pa gang yin pa de ni gos tshon can dang / chos gos spangs te gos dkar po bgos nas de lta bu byas pa'i 'og tu de bdag nyid kyis bsams pa/ bdag gis ni rang gi yon tan chung ba'i phyir mnog chung ba'i 'dod pa bsten gyis med do/ /'on kyang bcom ldan
97b₄ 'das bzhugs pa'i tshe yang dge slong dag gis 'dod pa rnams bsten nas mtho ris dang thar pa thob par gyur na/ ci bdag chos nyid la zhugs pa yin nam/ 'di ni gna' nas lugs kyis yod pa kho na'o snyam du de ltar sgom pa'i dge slong ni pham pa byung du zin kyang thar pa thob par 'gyur
97b₅ ro/ /bslab pa'i gzhi lnga las 'gal bar byas pa dang / rung ba ma yin pa thams cad yongs su bzung yang de dang 'dra'o/ /de bzhin gshegs pas nyes byas kyi nyes pa byung bas kyang sum cu rtsa gsum pa'i lha rnams kyi lo grangs pas kyang lhag par lo brgyad khri'i bar du sems
97b₆ can dmyal bar 'tshed par 'gyur ro zhes gsungs mod kyi/ de yang bsdigs par zad de pham pa las na gcig gi dma' ba nyes pa sbom po'i skyon gang yin pa de yang mi bzad pa ma yin te 'dul ba 'dzin pa mang po rnams kyis du smras mod kyi/ de ni mi btsan no zhes de bzhin
97b₇ gshegs pas gsungs so zhes zer ba de lta bu'i mdo sde dang 'dul ba ni bdud kyis smras pa yin par rig par bya'o/ /bslab pa'i gzhi thams cad kyi nang na ni nyes byas chung ba yin la de ltar chung ba'i nyes byas byung du zin kyang bdag la ma byung ngo zhes snyon par byed de/ nyes pa

_{iiif viewer powered by OpenSeadragon}

97a - 98a

Texts on this page