rKTs

e-texts navigator

Volume

Page

97a₁ 'gyur ro snyam du soms shig / de nas dge slong des de la smras pa/ tshe dang ldan pa chos de ni bdag gi lus la gor ma chag par yod do zhes gal te de skad zer na/ dge slong de la mi'i chos las bla mar gyur pa'i nyes pa yod ces bya'am med ces bya
97a₂ zhe na/ khams yod do zin kyang sbyin pa dang / tshul khrims dang / shes pa dang / chos dang ldan pa rnams la yod par zad do zhes brjod par bya'o/ /gzhan yang dge slong rab tu byung nas sems par byed de/ kye ma bdag sangs rgyas su 'gyur ram mi 'gyur snyam
97a₃ pa'am/ bdag gis ni sangs rgyas nyid thob par 'gyur bar mngon no snyam du sems na 'bras bu ma thob tu zin kyang bsod nams mang po 'phel bar 'gyur ro/ /gal te de lta ma yin na/ dge slong thams cad kyang mi'i chos las bla mar 'gyur ro/ /de ci'i phyir zhe na/
97a₄ ngas bskal pa bye ba phrag brgyad cu'i bar du rung ba ma yin pa'i dngos po yongs su 'dzin pa spangs te/ chog shes pa dang / yo byad bsnyungs pa'i mchog la gnas nas de bzhin gshegs pa'i snying po yod par bsgoms te mngon par rdzogs par sangs rgyas nas chos kyi phung po
97a₅ 'bum ston pa'i sangs rgyas bcom ldan 'das snying rje chen po dang ldan par gyur pa'i phyir ro zhes zer ba de lta bu ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa'i mdo sde dang 'dul ba yin par rig par bya'o/ /bdud kyis smras
97a₆ pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /
97a₇ pham pa bzhi yang med/ dge 'dun gyi lhag ma bcu gsum yang med/ ma nges pa gnyis kyang med/ spang ba'i ltung byed sum cu yang med/ ltung byed 'ba' zhig pa dgu bcu rtsa gcig kyang med/ so sor bshags par bya ba bzhi yang med/ bslab par bya ba mang

_{iiif viewer powered by OpenSeadragon}

96b - 97b

Texts on this page