rKTs

e-texts navigator

Volume

Page

96b₁ rgyas kyis smad do/ /cang mi smra ba ni sangs rgyas kyis bsngags so/ /bdag ni ji srid 'tsho'i bar du yang chos 'di lta bu la dga' ba ma yin gyis 'di ltar bdag che 'dod pa la gzhag par ma byed cig /bdag ni 'bras bu thob pa ma yin par bdag nyid kyis shes so
96b₂ zhes zer ba dang / rgyal po shes rab can gyis btsun pa 'di ni 'bras bu thob pa ste/ sangs rgyas yin no snyam nas 'jig rten thams cad du mkhas pa rnams kyi nang du sgrogs par byed cing btsun mo'i 'khor dang sras rnams la yang snyan dngags bzhin du mdo rnams
96b₃ slob tu 'jug ste/ de ltar byas na yang stod par byed pa'i rgyal po dang blon po rnams la bsod nams mang du 'phel bar 'gyur ro/ /dge slong de ni tshangs par spyod pa tshul khrims dang ldan pa tsam du zad de dge slong de yang pham pa byung ba ma yin no zhes nga zer ro/ /mi'i
96b₄ chos las bla mar gyur pa byed pa yang ma yin te tshul khrims dang ldan pa 'dod pa nyung ba zhes nga zer ro/ /de ltar bstod du zin kyang rang gi dad pa'i sems dang bas na sangs rgyas kyi gsung rab dang 'thun par byed pa'i dge slong la ni nyes pa kyang med do zhes nga zer ro/ /
96b₅ gzhan yang 'di na dge slong la la de bzhin gshegs pa'i snying po'i mdo sde chen po ston par byed do/ /sems can thams cad la ni sangs rgyas kyi khams yod la khams de rang rang gi lus la 'chang ste/ sems can rnams kyis nyon mongs pa'i rnam pa zad par byas
96b₆ nas sangs rgyas su 'gyur te 'dod chen pa ni ma gtogs so/ /de la rgyal po'am rgyal po'i blon po 'ga' zhig 'di skad ces zer te/ dge slong khyod sangs rgyas su 'gyur ram mi 'gyur/ sangs rgyas kyi khams khyod la yod dam med ces zer ba la/ dge slong
96b₇ de na re tshe dang ldan pa bdag sangs rgyas su 'gyur ram mi 'gyur ba lta sus shes mod kyi 'on kyang bdag gi lus la sangs rgyas kyi khams ni yod do zhes zer ro/ /de nas des dge slong de la smras pa/ dge slong khyod 'dod chen pa kho na ma yin na bdag ni sangs rgyas su

_{iiif viewer powered by OpenSeadragon}

96a - 97a

Texts on this page