rKTs

e-texts navigator

Volume

Page

93a₁ 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /de
93a₂ bzhin gshegs pa lha khang du gshegs te byon nas lha rnams kyi zhabs la phyag bzhes te/ lha rnams ni de bzhin gshegs pa'i zhabs la mgo bos phyag mi 'tshal lo/ /lha rnams la mchod pa mdzad pa'i 'og tu de bzhin gshegs par gyur nas mngon par sangs rgyas te/
93a₃ lha rnams ni snga/ 'di ni 'phyi bas na de'i phyir mngon par rdzogs par sangs rgyas pa zhes bya'o zhes zer ba la sogs pa ni bdud kyis smras pa yin par rig par bya'o/ /de bzhin gshegs pa lha khang du gshegs te byon pa mthong nas dbang phyug dang / dbang phyug chen po dang / tshangs
93a₄ pa dang / brgya byin la sogs pa lha thams cad kyis thal mo legs par sbyar te zhabs la spyi bos gtugs so zhes zer ba lta bu ni de bzhin gshegs pas gsungs pa'i mdo sde dang 'dul ba yin par rig par bya'o/ /bdud kyis smras pa'i mdo sde dang 'dul ba tshad mar byed pa'i
93a₅ sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /de bzhin gshegs pa rgyal tshab tu gyur te nye 'dab
93a₆ kyi rgyal po'i bu mo dag dang lhan cig tu 'dod pa shin tu bsten to zhes zer ba la sogs pa ni bdud kyis smras pa'i mdo sde dang 'dul ba yin par rig par bya'o/ /de bzhin gshegs pas ni lha'i bu mo ram b+ha lta bu'i bud med dag kyang mchil ma bzhin du bor nas khyim nas khyim
93a₇ med par rab tu byung ngo zhes zer ba de lta bu'i mdo sde dang 'dul ba ni sangs rgyas kyis gsungs pa yin par rig par blta bar bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /

_{iiif viewer powered by OpenSeadragon}

92b - 93b

Texts on this page