rKTs

e-texts navigator

Volume

Page

92b₁ dang / sangs rgyas kyi gzugs kyis bshig par 'gyur te/ de 'di skad ces zer zhing sangs rgyas ni dga' ldan gyi gnas nas shi 'phos te/ rgyal po zas gtsang dang btsun mo sgyu 'phrul phrad pa na zla mtshan gyi bye brag gis 'khrig pa'i chos las skyes so zhes zer la/
92b₂ de bzhin gshegs pa ni 'khrig pa las skye mi srid do/ /de la ming tsam du skyes pa las sngon dka' thub spyad pa'i yon tan gyis lha dang / mi dang / lha ma yin dang bcas pa'i 'jig rten gyis mchod cing brjod par 'gyur te/ bdag ni chung ma dang 'dod pa rnam pa sna tshogs
92b₃ kyi sbyin pa byin pas na sangs rgyas su gyur to zhes zer ba de lta bu ni bdud kyis smras pa'i mdo sde dang 'dul ba yin par rig par bya'o/ /de bzhin gshegs pa dgra bcom pa yang dag par rdzogs pa'i sangs rgyas kyis ni gdul bar bya ba'i dbang gis skyes pa lta bur bdag nyid kyis
92b₄ bstan mod kyi/ 'khrig pa las skyes pa ma yin no/ /de bzhin gshegs pas yab yum gnyis yod pa lta bur bstan pa 'di ni 'jig rten dang 'thun par mdzad pa yin no zhes zer ba de lta bu ni de bzhin gshegs pas gsungs pa'i mdo sde dang 'dul ba yin par rig par bya'o/ /bdud
92b₅ kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /
92b₆ de bzhin gshegs pa 'jig rten du byung nas phyogs dang phyogs mtshams rnams su gom pa bdun bdun gshegs par bstan to zhes bya ba 'di ni yid ches par bya bar mi rung ste/ de lta bu'i mdo sde dang 'dul ba ni bdud kyis smras pa yin par rig par bya'o/ /de bzhin gshegs
92b₇ pa byung nas phyogs dang phyogs mtshams rnams su gom pa bdun bdun gshegs par bstan pa ni de bzhin gshegs pa'i thabs kyi sku 'dzin pa yin no zhes zer ba de lta bu ni sangs rgyas kyis gsungs pa'i mdo sde dang 'dul ba yin par rig par bya'o/ /bdud kyis smras pa'i mdo sde dang /

_{iiif viewer powered by OpenSeadragon}

92a - 93a

Texts on this page