| e-texts navigator |
| བོད་ཡིག |
90a1 tshul khrims dang ldan pa yang rung ste/ de dag la 'di dag ni nyan thos kyi dge 'dun yang dag pa yin no/ /'di dag ni dge 'dun yang dag pa yin no/ /'di dag ni dge 'dun 'thun pa yin no snyam du bsams te/ sha'i mig dang ldan pa'i dge
90a2 bsnyen des de dag la phyag kyang bya'o/ /sbyin pa yang sbyin par bya'o/ /sha'i mig dang ldan pa'i dge bsnyen gyis spos kyi tshong 'dus su gangs kyi ri las byung ba'i sman bzhin du bcos ma ma yin pa rtogs par dka'o/ /de bzhin du lha'i mig med pa bye brag mi phyed pas
90a3 gangs kyi ri las byung ba'i sman bzhin du 'di ni tshul khrims dang ldan pa'o/ /'di ni tshul khrims 'chal pa'o/ /dge 'dun 'di dag gzhi chen po brgyad kyi nyes pa dang bral ba yin no snyam du rtogs par mi nus so/ /tshul khrims dang ldan pa dang tshul khrims 'chal pa
90a4 ni lha'i mig dang ldan pa rnams kyi yul yin gyi/ sha'i mig dang ldan pa rnams kyi yul ma yin no/ /gal te ma dag pa mthong na ni ji srid du bshags su rung ba'i nyes pa byung ba ma bshags kyi bar du de dag la phyag kyang mi bya'o/ /sbyin pa yang sbyin par mi bya'o/ /gzhi
90a5 chen po brgyad len pa'i dge 'dun dag la ji srid du bdag nyid kyi nyes pa bshags su rung ba bshags pas gangs kyi ri las byung ba'i sman bzhin du dag par ma gyur gyi bar du gos tshon can bgos pa tsam la yid brten te phyag mi bya'o/ /de dag la sbyin pa yang sbyin par
90a6 mi bya'o/ /gsol pa/ bcom ldan 'das legs lags so/ /legs lags so/ /bcom ldan 'das kyi bka' 'di ni legs par gsungs pa lags te/ rdo rje rin po che bzhin du spyi bos mnod par 'tshal lo/ /'di la bcom ldan 'das kyis
90a7 gsungs pa/ dge slong dag bzhi po 'di dag ni rten bzhin yin te/ bzhi gang zhe na/ dge slong dag khyod kyi rten ni chos nyid yin gyi gang zag ma yin no/ /dge slong dag khyed kyi rten ni nges pa'i don yin gyi drang ba'i don ma yin no/ /dge slong dag khyed kyi rten
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo