rKTs

e-texts navigator

Volume

Page

89b₁ brgyad len par byed dam/ 'on te len par mi byed ces dris nas gdod phyag bya ste/ len par byed pa gang yin pa de dag dang lhan cig tu skabs dbye ba dang gso sbyong gi las rnams byed dam mi byed ces dri bar bya'o/ /gal te 'di skad ces zer te/ dge 'dun gyi gzhi
89b₂ chen po brgyad ni len par byed de/ bcom ldan 'das sems can thams cad la thugs brtse bas kyang rgyal bu rgyal byed kyi tshal du gser dngul dag bzhes so zer la de'i nang na kha cig len par mi byed de/ bdag cag ni len par byed pa dag dang lhan cig tu skabs 'byed
89b₃ pa dang / gso sbyong dang / thal mo sbyar bas gdud pa'i las kyang mi byed/ thug pa yang mi 'thung / de dag las rnyed pa dang / bkur sti yang mi len no zhes zer ba dang / lha'i yang lha sangs rgyas bcom ldan 'das des kyang bzhes na dge 'dun gyis bzhes pa la
89b₄ mi bzod pa ci yod ces de skad zer du zin kyang de dag dang lhan cig tu khyed skabs 'byed pa dang / gso sbyong dang / thal mo sbyar bas gdud pa'i las ma byas grang zhes smra bar byed de/ gal te tshig nyan du mi btub pa de dag ni yang dag pa'i mdo sde shes pa yin no/ /len par
89b₅ byed pa byis pa dang 'dra ba de dag ni sems can dmyal ba pa yin par rig par bya ste/ sems can de dag ni byis pa 'chi ba dang 'dra'o/ /rigs kyi bu gzhan yang dper na grong khyer chen po zhig gi spos kyi tshong 'dus dag na spos ma du ra ka dang / gzhan yang spos kyi sna grangs dang /
89b₆ sman rnams tshong ba dag 'tshong bar byed la/ de na nyo ba'i sems can rnams kyis gangs kyi ri las byung ba'i sman ci 'dra ba mi shes nas de dag gis dris te/ gal te gangs kyi ri las byung ba'i spos ma du ra ka lta cung zad ci yod na byin cig ces byas pa dang / de gangs kyi ri las
89b₇ byung ba'i spos ltar bcos pa la gangs kyi ri las byung ba'i spos yin no zhes byas te byin nas/ de dag gis 'di ni gangs kyi ri las byung ba yin no snyam du yang dag par yid ches te/ bcos ma'i spos rnams len par byed pa de bzhin du/ tshul khrims 'chal pa'am/

_{iiif viewer powered by OpenSeadragon}

89a - 90a

Texts on this page