rKTs

e-texts navigator

Volume

Page

89a₁ pa'i phyir ro/ /nyes pa'i mchog sbrul gdug pa lta bu dang bral ba'i dge 'dun ni zhing zhes bya ste/ dge slong su yang rung zhing rnam par dag pa lta bur gyur pa de ni lha bzhin du mchod par bya ba dang yon gnas su bya ba yin no/ /'bras bur gyur pa de'i snga rol du ni sha'i
89a₂ mig gis skyon dang yon tan rtogs par mi nus so/ /rigs kyi bu gzhan yang dper na grong gis khor gcig gi nang na shing ka ra ka mang po yang yod/ de'i nang na shing ten tu ka gcig kyang yod la ten tu ka'i shing de la yang 'bras bu yod/ ka ra ka'i shing de dag la yang 'bras
89a₃ bu yod pa las/ de nas bu mo gzhon nu dbul mo shing tog thu ba zhig gis ten tu ka'i 'bras bu btus nas ka ra ka'i 'bras bu yang de'i bcu 'gyur tsam du btus te/ ten tu ka'i 'bras bu yin no snyam nas de rnams kyis skon pa bkang ste grong de nyid du 'tshong bar byed la/ de nas
89a₄ byis pa rnams kyis 'bras bu rnam pa gnyi ga ten tu ka'i 'bras bu yin no snyam nas nyos te zos pa dang shi'o/ /de na bye brag phyed pa'i mi ten tu ka'i 'bras bu za 'dod pa gang yin pa de dag gis ni bu mo gzhon nu de la legs par dris te/ che zhe 'di dag phyogs gang logs nas blangs
89a₅ zhes byas pa dang / des de dag la sa phyogs bstan te/ de dag la sa phyogs bstan pa dang / de na ka ra ka'i shing ni mang la ten tu ka'i shing ni gcig pu las med par shes te/ 'di dag ni de nas blangs so snyam du rig la/ ten tu ka'i 'bras bu de dag btsal te ma rnyed nas ka ra ka'i
89a₆ 'bras bus 'jigs shing skrag ste/ 'jigs pa de nyid kyis 'phya bar byed cing ma nyos par phyir dong ba de bzhin du rigs kyi bu dge 'dun gang dag gzhi chen po brgyad shes bzhin du spyod par byed pa der spyod par byed pa des gal te tshul khrims dang ldan pa'i dge slong dag 'khod na/ de dag
89a₇ ji ltar ka ra ka'i tshal na ten tu ka'i shing 'dug pa bzhin du de dag mthong na/ de tshul khrims dang ldan pa yin du zin kyang / dge bsnyen shes rab can gyis de dag la phyag mi bya zhing mchod pa'i gnas su mi bya'o/ /gal te de dag la phyag bya bar 'dod na ci khyod gzhi chen po

_{iiif viewer powered by OpenSeadragon}

88b - 89b

Texts on this page