rKTs

e-texts navigator

Volume

Page

86b₁ bstan pa yin gyi/ nyan thos kyi theg pa pa rnams kyi phyir de skad bstan pa ni ma yin no/ /rigs kyi bu ngas sngar bstan pa dam pa'i chos nub pa'i dus dang / tshul khrims dang ldan pa 'grib pa'i dus dang / tshul khrims 'chal pa'i phyogs rnam par 'phel ba'i dus dang / nges par
86b₂ grol ba dang / chags pa med pa zad pa'i dus dang / bran dang bran mo la sogs pa rdzas ngan pa du ma yongs su 'dzin par byed pa'i dus na skyes bu bzhi'i nang nas gcig tsam yang bran dang bran mo la sogs pa rdzas ngan pa du ma yongs su 'dzin pa'i dge 'dun gyi nang du khyim nas khyim med par
86b₃ rab tu byung nas/ de rnams kyi rung ba dang / rung ba ma yin pa dang / 'dul ba dang / 'dul ba ma yin pa'i bye brag kyang shes/ de dag gi g.yel ba dang / bdag nyid kyi nyes pa mang po'i gzhi yang shes te/ spyod pa 'di ni bcom ldan 'das kyi spyod pa ma yin no snyam du yang shes
86b₄ nas yul dang dus la bltas te gsar bu rnams las gsung rab yan lag dgu slob par byed cing / de dag pham pa byung ba yin par shes su zin kyang dam pa'i chos dbyung bar bya'o snyam ste kha rog par 'dug nas de 'ba' zhig sems shing dam pa'i chos bsrung ba kho na'i phyir 'jig
86b₅ rten du 'byung ngo / /rigs kyi bu dper na 'ga' zhig gi rgyal po zhig shi nas de'i bu rnams kyi nang na rgyal po nus pa med de/ rgyal po de nyid kyi khams kyi gdol pa 'brug sgra lta bu'i sil snyan dang ldan pa zhig gis gdol pa dag deng de mthus rgyal srid phrogs nas rgyal po byed la/
86b₆ gdol pa de yang rang bzhin gyis nor dang ldan pa zhig ste/ de nas gdol pa de rgyal po byed pa na bram ze dang khyim bdag de na gnas pa rnams gdol pas bkol na mi rung ngo snyam nas yul bor te/ gang na rgyal po'i rigs rgyal po byed pa'i yul der 'gro bar byed la/ bram ze dang
86b₇ khyim bdag gzhan kha cig ni bdag gi yul 'dor ma phod nas ji ltar shing gang du skyes pa de nyid du skam par 'gyur ba bzhin du de dag kyang shing dang 'dra bar yul de nyid na 'khod do/ /de nas gdol pa des mi mang po byer ro snyam nas gdol pa rnams lam thams cad bsrung du bcug

_{iiif viewer powered by OpenSeadragon}

86a - 87a

Texts on this page