| e-texts navigator |
| བོད་ཡིག |
84b1 srung bar byed/ 'chad par byed de/ 'jig rten thams cad la snying brtse ba'i phyir glegs bam rnams la mchod pa dang bkur sti byed/ gzhan dag kyang byed du 'jug cing bla ma la gus pa lta bur lta bar byed la don kyang rdzogs par rtogs par 'gyur te/ bcom ldan 'das ni rtag pa
84b2 dang / brtan pa dang / ther zug pa dang / mi g.yo ba dang / shin tu bde ba'o zhes bya ba dang / sems can thams cad la de bzhin gshegs pa'i snying po yod do zhes ston par byed do/ /de ltar na sngon sangs rgyas du ma la bsnyen bkur byed byed pa'i sems can rnams ni dam pa'i chos
84b3 'byin par 'gyur zhing dam pa'i chos kyi phyogs 'dzin par 'gyur ro/ /gang dag gis da ltar byang chub tu sems bskyed pa de dag ni phyi ma'i dus na dam pa'i chos 'byin par 'gyur zhing dam pa'i chos kyi phyogs 'dzin par 'gyur te/ de'i tshe sems can de lta bu dag 'byung bar 'gyur gyis/
84b4 rigs kyi bu khyod ma 'ongs pa'i dus na sems can dam pa'i chos 'byin pa rnams la de ltar ma lta shig /gang dag gis da ltar byang chub tu sems bskyed pa de dag ni ma 'ongs pa'i dus na yang byang chub tu sems bskyed nas dam pa'i chos 'byin par byed par shes par gyis shig /rigs
84b5 kyi bu gang dag nga yongs su mya ngan las 'das pa chen pos yongs su mya ngan las 'da' ba la yid mi dga' bar mi byed cing rab tu dga' bar byed de/ sangs rgyas bdag cag gi rnyed pa dang bkur sti la bgegs byed pa de nga ni grongs par 'gyur gyi bdag cag dga'o snyam ste/ de
84b6 ltar sangs rgyas grongs par 'gyur ro snyam nas rab tu dga' ste/ yid mi dga' bar mi byed pa de dag ni de'i tshe g.yel bar 'gyur te/ chos gos kyi mtshan ma can mdo sde spong bar 'gyur bar rig par gyis shig /sems can gang dag yon tan dpag tu med pa dang ldan pa de dag
84b7 ni theg pa chen po thos na mngon par dad par 'gyur te/ dam pa'i chos 'dod pa'i rigs kyi bu de dag gi ni sdig pa'i las grangs med pa byas pa rnams klad pa na ba dang / rims kyis gdung ba dang / zug rngu dang / skur pa tsam gyis 'byang bar 'gyur ro/ /gzhan yang phyi
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo