rKTs

e-texts navigator

Volume

Page

84a₁ rgyas gang gA'i klung gnyis kyi bye ma snyed la byang chub tu sems bskyed pa de dag ni phyi ma'i dus na yang byang chub tu sems skyed par 'gyur te spong bar mi 'gyur ro/ /gang dag gis sangs rgyas gang gA'i klung gsum gyi bye ma snyed la byang chub tu sems bskyed pa de dag phyi ma'i dus
84a₂ na mtshungs pa med pa spong bar mi byed de/ lung nod par byed/ nyan par byed/ 'dri bar byed la don ni rtogs par mi 'gyur ro/ /gang dag gis sangs rgyas gang gA'i klung bzhi'i bye ma snyed la byang chub tu sems bskyed pa de dag ni phyi ma'i dus na yang byang chub tu sems bskyed par 'gyur te/
84a₃ mtshungs pa med pa spong bar mi byed cing lung nod par byed/ nyan par byed/ 'dri bar byed la don ni bcu drug cha gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang gA'i klung lnga'i bye ma snyed la byang chub tu sems bskyed pa de dag ni phyi
84a₄ ma'i tshe mtshungs pa med pa spong bar mi 'gyur te/ lung nod par byed/ lta bar byed/ 'dri bar byed de/ bris nas kyang bdag nyid 'chang bar byed la don ni brgyad cha gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang gA'i klung
84a₅ drug gi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong bar mi byed de/ lung nod par byed/ 'dri bar byed/ bris nas kyang 'dzin par byed la don ni bzhi cha gcig rtogs par 'gyur te/ don rdzogs par rtogs par mi 'gyur ro/ /gang dag gis
84a₆ sangs rgyas gang gA'i klung bdun gyi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong bar mi byed de/ lung nod par byed/ 'dri bar byed/ bris nas kyang 'dzin par byed la don ni phyed rtogs par 'gyur te/ don rdzogs par rtogs par mi 'gyur ro/ /
84a₇ gang dag gis sangs rgyas gang gA'i klung brgyad kyi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong bar mi byed de/ lung nod par byed/ nyan par byed/ 'dri bar byed/ bris nas 'dzin par byed/ 'chang bar byed/ klog par byed/ ston par byed/ sba bar byed/

_{iiif viewer powered by OpenSeadragon}

83b - 84b

Texts on this page