rKTs

e-texts navigator

Volume

Page

83b₁ yun ji srid cig na slar yang 'byung bar 'gyur lags/ bcom ldan 'das kyis bka' stsal pa/ rigs kyi bu gang gi tshe nga'i dam pa'i chos kyi mjug lo brgyad cu lus par gyur te/ dam pa'i chos nub tu cha ba na yongs su mya ngan las 'das pa chen po'i mdo chen po 'di 'dzam bu'i gling du
83b₂ 'byung bar 'gyur te/ lo bzhi bcu'i bar du dam pa'i chos kyi char phab nas nub par 'gyur ro/ /gsol pa/ dam pa'i chos nub pa'i dus dang / tshul khrims can zad pa'i dus dang / dam pa'i chos ma yin pa rnam par 'phel ba'i dus dang / sgrub pa ma mchis pa'i dus na
83b₃ mya ngan las 'das pa chen po'i mdo chen po 'di 'byung ba'i tshe 'di nyan pa ni ci 'dra ba dag cig 'byung bar 'gyur lags/ 'chang ba ni ci 'dra ba dag cig lags/ klog pa ni ci 'dra ba dag cig lags/ su dag ni srung bar 'gyur/ 'dzin par 'gyur/ mchod pa bgyis nas ston par
83b₄ 'gyur lags/ 'drir 'jug pa ni ci 'dra ba dag cig lags pa de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis sems can thams cad la sman pa'i slad du bka' stsal du gsol/ byang chub sems dpa' yang dag par slob par
83b₅ 'tshal ba dag mchis te/ de dag gis thos na ci nas bla na med pa yang dag par rdzogs pa'i byang chub las yongs su nyams par mi 'gyur bar sgrub par 'gyur lags so/ /bcom ldan 'das kyis bka' stsal pa/ rigs kyi bu legs so legs so/ /rigs kyi bu khyod
83b₆ don 'di 'dri ba ni legs so/ /rigs kyi bu gang dag gis sangs rgyas chu klung gser ldan gyi bye ma snyed la byang chub tu sems bskyed pa de dag ni phyi ma'i dus na byang chub kyi sems nyams su len par 'gyur te/ nyams su mi len par mi 'gyur ro/ /mdo sde spong bar yang mi 'gyur ro/ /
83b₇ gang dag gis sangs rgyas gang gA'i klung gi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong ba'i sems skyed par mi byed de/ mos par byed cing der tshig gis skye bo thams cad la rgyas par go bar byed par 'gyur ro/ /gang dag gis sangs

_{iiif viewer powered by OpenSeadragon}

83a - 84a

Texts on this page