| e-texts navigator |
| བོད་ཡིག |
83a1 'gyur ro/ /rigs kyi bu dper na ri khrod gcong rong yul ngan pa na gnas pa'i rgyal po rnams bu ram shing dang 'bras sA lu rnams ldan par yod du zin kyang 'bru 'di rnams ni dkon pa yin te/ zad na mi rung ngo snyam nas bdag cag mi za bar ci tse dang khre dang khre rgod za
83a2 zhing bu ram shing dang 'bras sA lu dang 'bru rnams ni shing rta rnams bkang nas rgyal po chen po la 'bul bar byed de/ de na sems can gzhan dag rang gi yul na 'bras sA lu la sogs pa sngon ma mthong du zin kyang rgyal po'i longs spyod kyi mthus za bar byed do/ /rigs kyi bu de bzhin du
83a3 gang na gang zag chos kyi sde dpon byed pa bzhi po de dag gnas pa de nyid du/ gang gi tshe byang chub sems dpa' sems dpa' chen po gcig kyang 'jig rten du byung ngam yang na gang na gnas kyang rung ste/ der de'i don du de dag gis theg pa chen po'i mdo sde'i sde tshan dag gla rngan gyis
83a4 'dri zhing 'drir 'jug ste bsgrubs nas glegs bam phyi tshas su bcug ste/ rnyed pa dang bkur sti'i phyir ram/ chos spyod pa'i phyir ram/ rten bca' ba'i phyir bkur bar byed de/ byang chub sems dpa' sems dpa' chen po de la bsnyen bkur byed cing skye bo mang po theg pa chen
83a5 po'i bcud kyis longs spyod par 'gyur te/ rgyal po'i mthus 'bras sA lu za ba bzhin du byang chub sems dpa' sems dpa' chen po de'i gzi brjid kyi mthus sems can rnams kyis sngon ma thos pa'i tshig gi yi ge 'bru gcig pa'i thig le thos par 'gyur ro/ /yongs su mya ngan las
83a6 'das pa chen po'i mdo chen po sa phyogs gang na spyod pa'i sa phyogs ni rdo rje'i rang bzhin du 'gyur ro/ /sems can de dag kyang rdo rje'i rang bzhin du 'gyur ro zhes nga zer ro/ /sems can phal pa bsod nams chung ngu rnams theg pa chen po thos na theg pa chen po'i mdo'i sde tshan gyi don
83a7 'dzin par mi byed de/ thos na don 'dzin par mi byed pa'i sems can gang yin pa de dag ni khre rgod za ba bzhin du mya ngan du bya ba yin no/ /gsol pa/ de bzhin gshegs pa 'das nas lo bzhi stong gi bar du 'dzam bu'i gling du gnas pa'i rjes la sa'i 'og tu nub par gyur nas
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo