| e-texts navigator |
| བོད་ཡིག |
82b1 bas na sngar bshad pa'i rgyu ni de yin te/ nyan thos kyi theg pa pa rnams kyi don du ngas bdud tshar gcad par bstan pa yin no/ /de ltar na yongs su mya ngan las 'das pa chen po'i mdo chen po ni mchog tu bzod par dka'o/ /kye ma mdo sde chen po 'di dang de bzhin gshegs pa rtag
82b2 ces bya ba thos na yid ches par byed pa gang yin pa de dag ni mchog tu dka' ba byed pa yin te/ 'jig rten na u dum bA ra'i me tog bzhin du shin tu dkon no/ nga 'das pa'i 'og tu mdo sde chen po 'di shin tu rnyed dka' bar 'gyur te/ ma 'ongs pa'i dus na sems can
82b3 gang dag mdo sde chen po 'di thos par bya ba'i phyir sgrub par byed pa de dag ni sems can mang pos spong bar 'gyur ro/ /gsol pa/ yun ji srid cig na sems can rnams kyis spang bar 'gyur lags/ sems can ji lta bu dag ni dam pa'i chos 'byin par 'gyur lags/ bka' stsal pa/ rigs
82b4 kyi bu nga 'das pa'i 'og tu lo bzhi stong gi bar du 'dzam bu'i gling du spyod par 'gyur te/ de'i rjes la sa'i 'og tu nub par 'gyur ro/ /rigs kyi bu dper na yul gang na bu ram shing dang / 'bras sA lu dang / 'bru dang / sbrang rtsi dang / kha ra dang / ba'i 'o ma dang / mar gyi snying khu
82b5 rnams mod pa de nyid na sems can rnam par smin pas dman zhing bsod nams ma byas pa gzhan dag kyang yod de/ de dag 'di skad du bdag cag gi lus kyi khams 'di ni kha zas bzang po zos na nad du 'gyur ro zhes zer nas ci tse dang khre dang khre rgod rnams za bar byed do/ /yul de nyid na
82b6 gzhan kha cig ni ci tse dang khre dang khre rgod rnams kyi ming yang thos par mi 'dod de/ bu ram shing dang / 'bras sA lu dang / 'bru rnams 'ba' zhig za bar byed pa de bzhin du yongs su mya ngan las 'das pa chen po'i mdo chen po 'di yang sems can gzhan kha cig thos par yang mi 'dod de/
82b7 bsod nams ma byas pa rnams ci tse dang khre dang khred rgod za zhing bu ram shing dang / 'bras sA lu la sdang ba bzhin du nyan thos kyi theg pa pa rnams theg pa chen po la sdang bar 'gyur ro/ /de la nyan pa bsod nams byed byed pa gzhan kha cig ni 'bras sA lu za ba bzhin du theg pa chen po par
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo