| e-texts navigator |
| བོད་ཡིག |
7a1 rkang lag gi phyi sgo dang / ra ba dang / ba gam can/ mig gi skar khung can/ mgo bo'i yang tog can/ yid rgyal po lta bu'i pho brang grong khyer lta bu'o/ /lus 'di ni mkhas pa thams cad kyis spangs shing byis pa'i skye bo dga' bar byed pa'i 'dod chags dang /
7a2 zhe sdang dang / gti mug la sogs pa'i nyon mongs pa bye ba snyed kyi srin po brten pa/ 'dam bu dang / e raN+Da dang / dbu ba dang / chu shing lta bur snying po med pa/ glog dang / ri gzar po'i 'bab chu'i dba' rlabs ltar shin tu mi brtan pa'o/ /sgyu ma dang / smig
7a3 rgyu dang / brag ca dang / zla ba'i gzugs brnyan ltar slu bar byed pa/ rlung shugs drag pos rnam par dkrugs pa'i chu'i shugs kyis brkos pa'i 'gram gyi sdong po ltar g.yang sa na 'dug pa'i chos can/ spyang ki dang / wa dang / bya rgod dang / bya rog rnams kyi zas yin na/
7a4 su zhig 'di lta bu 'chang ba la dga' bar byed/ rgya mtsho'i chu thams cad skra'i rtse mos blangs te/ ba lang gi rmig rjes su blugs par ni nus srid kyi/ lus nad bzhi brgya rtsa bzhis gzir ba 'di snying po med pa'am/ mi gtsang ba ni tshig tsam gyis bstan par mi nus so/ /
7a5 sa chen po 'di rgya shug gi 'bras bu'i rus pa'i 'bru tsam sha stag tu byas pa'am/ yungs 'bru tsam 'am/ rdul phra rab kyi rdul tsam sha stag tu byas pas ni zad par 'gyur yang srid kyi/ lus 'di yod kyi bar du 'di'i nyes dmigs ni mthar thug par mi 'gyur te/ de bas
7a6 na dam pa'i chos bsrung ba'i phyir 'di mchil ma bzhin du dor bar bya'o snyam ste/ 'di ltar dge bsnyen ma de dag thams cad chen po stong pa nyid dang / mtshan ma med pa dang / smon pa med pa bsgoms pas sems bsgoms pa sha stag ste/ 'di lta ste/ dge bsnyen ma 'tsho
7a7 ba'i dpal zhes bya ba dang / dge bsnyen ma dpal phreng zhes bya ba dang / dge bsnyen ma sa ga zhes bya ba dang / de la sogs pa thams cad kyang theg pa chen po thos par 'dod la/ thos nas kyang gzhan dag la bstan par bya'o snyam du dam bcas pa/ bsrung ba lhur len
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo