| e-texts navigator |
| བོད་ཡིག |
79b1 par byed 'dod pas ni de ltar bya ba'i rigs so/ /de ltar na byang chub sems dpa' sems dpa' chen po ni sna grangs 'di bzhis chos ston par byed do/ /byang chub sems dpa' sna grangs bzhis chos ston pa'i le'u ste bzhi pa'o// //yongs su mya ngan las 'das pa chen
79b2 po'i mdo 'di la dam pa'i chos kyi tshul thob pa dang dam pa'i chos 'byin pa dang / rten du gyur pa'i gang zag bzhi yod de/ skye bo mang po la phan pa dang / skye bo mang po la bde ba'i phyir 'jig rten du byung ngo / /bzhi gang zhe na/ kun nas nyon mongs pa'i rang bzhin can gyi mi gang zag
79b3 de lta bu skye bo mang po la bde ba dang / skye bo mang po la phan pa'i phyir 'jig rten du 'byung ste/ 'di ni gang zag dang po'o/ /rgyun du zhugs pa'i 'bras bu dang / lan cig phyir 'ong ba'i 'bras bu dang ldan pa'i gang zag de lta bu ni gnyis pa'o/ /phyir mi 'ong ba ni gsum pa'o/ /
79b4 dgra bcom pa ni bzhi pa ste/ gang zag bzhi po 'di rnams ni rten du gyur pa yin no/ /de la so so'i skye bo zhes bya ba ni gang bdag nyid tshul khrims dang / cho ga dang / yon tan dang ldan par gyur nas chos 'byin par byed pa dang / de bzhin gshegs pa'i rtsa ba dang ldan pa gang
79b5 yin pa de dag thog ma kho nar rgyas par byed cing don yang rtogs par byed la/ chos 'di ni 'dod chen chung ba'i yin gyi/ chos 'di ni 'dod chen che ba'i ma yin no zhes don brda sprod par byed pa dang / skyes bu chen po'i rnam par rtog pa brgyad ston par byed pa dang / nyes pa byung na
79b6 de las bslang ba'i phyir gzhan dag la 'chags par byed pa dang / byang chub sems dpa'i spyad pa spyod pa na dgongs pa'i tshig la mkhas shing dam pa'i chos 'byin par byed pa 'di ni gang zag dang po ste/ so so'i skye bo'i grangs su gtogs mod kyi/ 'di ni so so'i skye bo thos
79b7 pa dang mi ldan pa ma yin te/ brgyad pa'i so so'i skye bo byang chub sems dpa' sems dpa' chen po de bzhin gshegs pa rnams kyis sangs rgyas su 'gyur bar gsang ste lung bstan pas lung bstan pa yin no/ /de la rgyun du zhugs pa dang / lan cig phyir 'ong ba zhes bya ba ni gang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo