| e-texts navigator |
| བོད་ཡིག |
75b1 pa'o/ /rgyags pa 'dul ba rgyags pa 'dul ba zhes bya ba ni gang la 'khrig pa'i 'dun pa'i ming yang med pa de ni thar pa'o/ /thar pa gang yin pa de ni de bzhin gshegs pa'o/ /ma rig pa 'dul ba ma rig pa 'dul ba zhes bya ba ni ji ltar 'o ma las gcig nas gcig tu brgyud de dri ma'i nyes pa
75b2 gang dang gang zad par gyur pa de dang de las mar gyi snying khu 'ba' zhig 'byung bar 'gyur ba de bzhin du ma rig pa las rig pa 'ba' zhig 'byung bar 'gyur te/ ma rig pa gang yin pa de ni thar pa'o/ /thar pa gang yin pa de ni de bzhin gshegs pa'o/ /dben pa dben pa zhes bya ba ni gang
75b3 la zla'i chos gzhan med pa ste/ glang po che'i dgon pa na glang po che gcig pu rgyu zhing gcig pu gnas pa bzhin du thar pa yang de dang 'dra'o/ /thar pa gang yin pa de ni de bzhin gshegs pa'o/ /rnam par spong ba rnam par spong ba zhes bya ba ni bdag med pa gzung bar bstan te/ de ni de
75b4 bzhin gshegs pa'i snying po la 'jug pa'o/ /ji ltar e raN+Da dang / 'dam bu'i sdong bu ni 'bras bu ma gtogs par thog thag tu snying po med pa de bzhin du lha dang mi dang lha ma yin gyi lus thams cad ni de bzhin gshegs pa'i snying po ma gtogs pa thams cad e raN+Da dang 'dam bu
75b5 bzhin du snying po med do/ /srid pa snying po med pa thams cad rnam par spangs pa ni thar pa'o/ /thar pa ni rang la brda sprod pa yin te/ thar pa gang yin pa de ni de bzhin gshegs pa'o/ /spong ba spong ba zhes bya ba ni kha zas ma zhu bas kha zas ma tshos pa spong ba bzhin du srid pa thams
75b6 cad bcad pa dang spangs pa ste/ de ltar na thar pa ni mkhas pa'o/ /thar pa gang yin pa de ni de bzhin gshegs pa'o/ /rang sangs rgyas kyi chos rang sangs rgyas kyi chos zhes bya ba ni ji ltar klu shing gi me tog pa mkhal gyi me tog ma yin pa bzhin du thar pa yang de dang 'dra ste/ thar pa gang
75b7 yin pa de ni de bzhin gshegs pa'o/ /khams khams zhes bya ba la khams de ni sems can thams cad kyi khams so/ /srog de ni sems can thams cad kyi srog go/ /thar pa yang de dang 'dra ste/ thar pa gang yin pa de ni de bzhin gshegs pa'o/ /skye mched skye mched ces bya ba ni gang
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo