| e-texts navigator |
| བོད་ཡིག |
75a1 pa yin no/ /thar pa gang yin pa de ni de bzhin gshegs pa'o/ /skyabs skyabs zhes bya ba ni ji ltar de bzhin gshegs pa la skyabs su song nas skyabs gzhan mi tshol ba lta bu'o/ /ji ltar rgyal po la skyabs su 'gro ba mi brtan pa bzhin du thar pa ni de lta ma
75a2 yin te bde ba brtan pa ni thar pa'o/ /thar pa gang yin pa de ni de bzhin gshegs pa'o/ /dpung gnyen dpung gnyen zhes bya ba ni nags khung dgon pa mchog tu 'jigs pa bzhin du thar pa ni de lta ma yin te/ ji ltar kyi rgyal po'i dpung gnyen gzhan rnams la
75a3 med pa bzhin no/ /kyi rgyal po ni 'chi bas 'jigs pa thams cad kyis 'jigs pa med pa de bzhin du thar pa ni dpung gnyen yin no/ /thar pa gang yin pa de ni de bzhin gshegs pa'o/ /bde ba bde ba zhes bya ba ni rin po che'i gling dang 'dra ste/ de bzhin du thar pa ni chos kyi
75a4 'byung khung ngo / /thar pa gang yin pa de ni de bzhin gshegs pa'o/ /nyam nga ba med pa nyam nga ba med pa zhes bya ba ni ji ltar stag gis 'jigs shing skrag nas khron par song ba'i 'og tu khron pa'i nang nas bdag 'byin nus pa su yod ces zer ba de bzhin du thar pa ni khron pa lta bu ma yin no/ /
75a5 nyam nga ba med pa zhes bya ba ni ji ltar gru chag pa las gru gzhan zhig rnyed de rgya mtsho chen po las nges par rgal nas nyam nga ba med cing bde bar gyur pa de bzhin du thar pa ni nyam nga ba med pa'o/ /thar pa gang yin pa de ni de bzhin gshegs pa'o/ /gnas bcom pa zhes bya ba ni go skabs zad pa
75a6 ste/ ji ltar 'o ma las zho 'byung / zho las mar sar 'byung / mar sar las zhun mar 'byung / zhun mar las mar gyi snying khu 'byung ba bzhin du thar pa ni gnas thams cad yongs su chad pa ste/ mar gyi snying khu ltar rang bzhin du gnas pa'o/ /thar pa gang yin pa de ni de bzhin
75a7 gshegs pa'o/ /nga rgyal 'dul ba nga rgyal 'dul ba zhes bya ba ni ji ltar sa'i mnga' bdag rgyal po nga ni rgyal po thams cad kyi mchog yin no snyam pa'i nga rgyal 'dul ba bzhin du thar pa ni de lta ma yin te/ thar pa ni nga rgyal med cing nga rgyal du 'dzin pa med pa'o/ /thar pa gang yin pa de ni de bzhin gshegs
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo