| e-texts navigator |
| བོད་ཡིག |
74b1 bar zad kyi 'jig rten na chu klung gzhan dper rung ba med do/ /chu klung zhes bya ba ni rgya mtsho la bya ste/ chu klung thams cad kyi nang na rgya mtsho 'ba' zhig chu klung yin pas na rgya mtsho ni chu klung zhes bya ba'i grangs su gtogs so/ /chu klung zhes bya ba ni sgra chen po sgrogs pa'i phyir te/
74b2 thar pa ni chu klung rgya mtsho'i pha rol dang 'dra'o/ /thar pa gang yin pa de ni de bzhin gshegs pa'o/ /bzang po bzang po zhes bya ba ni gang la ko sha ta ka'i 'bras bu lta bu'i ro tsha ba med pa ste/ thar pa ni ko sha ta ka'i 'bras bu lta bu ma yin gyi thar pa ni rgun 'brum lta bu yin no/ /thar pa gang
74b3 yin pa de ni de bzhin gshegs pa'o/ /ji ltar sman pa rtsi dang sman thams cad kyis sems gnas par byas nas nad do cog sel ba de bzhin du thar pa yang nyes pa thams cad dang bral ba'o/ /thar pa gang yin pa de ni de bzhin gshegs pa'o/ /'dun pa drag po 'dun pa drag po zhes bya
74b4 ba ni ji ltar grong chung ngur skye bo phal po che 'jug pa'i skabs med pa de bzhin du thar pa ni de lta ma yin te/ thar pa gang yin pa de ni de bzhin gshegs pa'o/ /srid pa dang dga' ba zad pa zhes bya ba ni sgyu ma sprul pa dang bral ba lta bu ste/ gang la skyes pa dang bud med 'khrig pa'i chos can rnams kyi
74b5 phan tshun du gtam zer ba yod pa bzhin du thar pa ni de lta ma yin te/ rang bzhin gyis ngo bo nyid kyi chos can 'dod chags dang / zhe sdang dang gti mug dang bral ba gang yin pa de ni thar pa'o/ /thar pa gang yin pa de ni de bzhin gshegs pa'o/ /skom pa 'dul ba skom pa 'dul ba zhes bya ba ni
74b6 gang la sred pa'i bag tsam yang med pa'o/ /kyi sred pa med pa ni chos kyi sred pa'o/ /chos kyi sred pa zhes bya ba ni sems can thams cad la snying brtse ba'o/ /thar pa ni kyi sred pa lta bu ma yin te/ bdag dang bdag gir 'dzin pa dang bral ba de ni thar pa'o/ /
74b7 thar pa gang yin pa de ni de bzhin gshegs pa'o/ /'gog pa 'gog pa zhes bya ba ni thar pa ste srid pa la zhen pa med pa'o/ /thar pa gang yin pa de ni de bzhin gshegs pa'o/ /gnas gnas zhes bya ba ni thar pa ste srid pa thams cad las nges par sgrol zhing skyob
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo