| e-texts navigator |
| བོད་ཡིག |
74a1 bzhin du thar pa yang mtshan nyid gcig pa ste/ thar pa gang yin pa de ni de bzhin gshegs pa'o/ /dag pa dag pa zhes bya ba ni ji ltar rnyog pa'i dri ma dang 'dres pa'i chu'i nang du ke ta ka'i 'bras bu bdar na chu'i rang bzhin dag par 'gyur ba bzhin du thar pa ni de lta
74a2 ma yin no/ /dag pa zhes bya ba ni ji ltar nam mkha' la char pa'i chu ro gcig cing rnam par dag pa bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /grol ba grol ba zhes bya ba la thar pa ni zla ba tshes lnga dri ma med pa dang 'dra ste/
74a3 zla ba sprin gyis g.yogs pa lta bu ma yin no/ /thar pa gang yin pa de ni de bzhin gshegs pa'o/ /zhi ba zhi ba zhes bya ba ni ji ltar sems can rims nad kyis thebs pa las rims nad dang bral bar 'gyur ba de bzhin du thar pa ni de lta ma yin te/ zhi ba zhes bya ba la thar pa ni sems
74a4 can nad med cing gnod pa med pa bzhin te/ thar pa gang yin pa de ni de bzhin gshegs pa'o/ /mnyam pa nyid mnyam pa nyid ces bya ba ni ji ltar lug thug re gnyis phan tshun 'thab pa na stobs mnyam pa bzhin du thar pa ni de lta ma yin te/ ji ltar ma dang bu 'thun par smra
74a5 ba de bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /nye bar zhi ba nye bar zhi ba zhes bya ba la gnas kyi mchog de thob pa ni gnas gzhan 'dod mi srid do/ /chog mi shes pa zhes bya ba ni ji ltar nyam chung ba'i tshe kha zas kyi mchog zos pa'i 'og tu dar
74a6 ba btung ba'i sems skye bar 'gyur ba bzhin du thar pa ni de lta ma yin te/ thar pa gang yin pa de ni de bzhin gshegs pa'o/ /chad pa chad pa zhes bya ba la sred pa'i zhags pa lta bu'i nang gi 'dod pa chad pa gang yin pa de ni chad pa'i sgo nas thar pa yin no/ /thar pa gang yin pa de ni de bzhin
74a7 gshegs pa'o/ /pha rol pha rol zhes bya ba ni ji ltar chu klung la tshu rol dang pha rol gyi 'gram gnyis yod pa de bzhin du thar pa ni de lta ma yin te/ thar pa ni pha rol yin no/ /thar pa gang yin pa de ni de bzhin gshegs pa'o/ /chu klung bzhin zhes bya ba la chu klung nyid dper rung
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo