| e-texts navigator |
| བོད་ཡིག |
72b1 mtshar zhes bya ba ni ji ltar me'i nang du me tog pad ma rgyas pa mthong na dga' ba skyed pa de bzhin du thar pa yod na dga' ba skye bar 'gyur ro/ /thar pa gang yin pa de ni de bzhin gshegs pa'o/ /rmad du byung ba rmad du byung ba zhes bya ba ni ji ltar byis pa'i so rnams phyis skye ba de bzhin du
72b2 thar pa ni dus la bab pa dang / dus la ma bab pa las 'gyur ba med do/ /ya mtshan zhes bya ba ni ji ltar 'dod chen pa rnams kyis 'dod chen par ltung ba sangs rgyas su 'gyur zhes bya ba ni mi srid do/ /gang gi tshe dam pa'i chos la dad pa dang ldan pa'am dge bsnyen du gyur pa
72b3 de'i tshe thar pa zad par 'gyur ro zhes bya ba ni mi srid de/ khams de ni rang bzhin gyis rmad du byung ba'o/ /de bas na thar pa ni rmad du byung ba zhes bya'o/ /'dod chen pa'i ltar de bzhin gshegs pa ni zad pa med do/ /dge ba'i rtsa ba'i sems la dmigs pa la ni chos
72b4 rnams skye ba med de/ skye ba med pa de ni thar pa'o/ /thar pa gang yin pa de ni de bzhin gshegs pa'o/ /dpag tu med pa dpag tu med pa zhes bya ba ni ji ltar 'bru'i phung po'am 'bras sA lu'i phung po gzhal du yod pa bzhin du thar pa ni de lta ma yin no/ /dpag tu med pa zhes bya ba ni
72b5 ji ltar rgya mtsho'i chu dpag tu med pa de bzhin du thar pa yang de dang 'dra bar dpag tu med do/ /thar pa gang yin pa de ni de bzhin gshegs pa'o/ /tshad med pa'i chos can tshad med pa'i chos can zhes bya ba ni ji ltar sems can gcig gi las kyi rnam par smin pa tshad yod pa'i chos
72b6 can yin pa bzhin du thar pa ni de lta ma yin te/ tshad med pa'i chos can zhes bya ba ni ji ltar sems can rnams kyi 'khor ba'i mtha' las nges par 'byung ba tshad med pa bzhin du thar pa yang de dang 'dra'o/ /thar pa gang yin pa de ni de bzhin gshegs pa'o/ /mchog dang phul
72b7 dang gtso bo mchog dang phul dang gtso bo zhes bya ba ni gang la mchog dang phul dang gtso bor gyur pa'i thar pa gzhan med pa ste/ ji ltar rgya mtsho chen po la de dang 'dra ba'i chu chen po gzhan med pa bzhin du thar pa yang de dang 'dra ste/ thar pa rang nyid mchog dang phul dang gtso bo yin
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo