| e-texts navigator |
| བོད་ཡིག |
71b1 ci byar yang med pa'i chos can ci byar yang med pa'i chos can zhes bya ba ni ji ltar mi dbul pos rang gi khyim na gang na yang nor med de/ bdag gis skyin po blang ngo snyam nas des sems khongs su chud pa bzhin du thar pa ni de lta ma yin te/ ci byar yang med pa'i chos can zhes bya ba ni ji ltar khyim
71b2 bdag nor bye ba bdog pa nyi ma dang zla ba la yang rag ma lus te/ de ltar 'byor pa dang ldan pa'i khyim bdag gis ni nyi ma lhan ner 'dug go zhe'am/ zla ba shar to zhes bya ba'i sgra yang mi thos so/ /de ltar mchog tu skyid pa'i khyim bdag 'khor los sgyur ba'i rigs su skyes pa de ni phyi srid du bya
71b3 ba'i phyir gzhan las skyin ma len ce'am/ yang na gzhan gyis 'di ni pha rol las skyin mo len cing za'o zhes brjod pa med de de ni mi srid do/ /de bzhin du thar pa yang thar pa'i gnas gzhan len to zhes bya ba de ni mi srid do/ /de bas na ci byar yang med pa'i chos can ni thar pa'o/ /thar
71b4 pa gang yin pa de ni de bzhin gshegs pa'o/ /gnod pa med pa gnod pa med pa zhes bya ba ni ji ltar so ga'i dus su ha cang tsha ches pa bsten pa dang / dbyar gyi dus su ha cang mngar ches pa bsten pa dang / dgun gyi dus su ha cang bsil ches pa bsten pas bdag nyid gnod pa rnams
71b5 kyis nyes pa de las gnod pa rnams 'byung bar 'gyur ba bzhin du thar pa ni de ltar nad mang pos gnod par 'gyur ba ma yin no/ /gzhan yang gnod pa zhes bya ba ni ji ltar sha dang nya sha zos pa'i 'og tu 'o ma 'thung ba ni 'chi bar 'gyur ba bzhin du thar pa ni gnod pa'i chos can ma yin no/ /gnod
71b6 pa med pa zhes bya ba ni ji ltar kha zas 'thun par za bas ro zhim pa yang myong la bdud rtsi yang zos par 'gyur ba de bzhin du thar pa ni rang bzhin gyis bdud rtsi lta bu yin te/ thar pa gang yin pa de ni de bzhin gshegs pa'o/ /gnod pa med pa'i chos can gnod pa med pa'i chos can zhes
71b7 bya ba ni ji ltar nga rgyal gyis khengs pa'i mi nga rgyal gyis dregs shing myos nas nga mi 'chi'o snyam ste/ sbrul lam stag la 'dzin du rtsol ba las/ des zin nas dus ma yin pa'i 'chi bas 'chi bar 'gyur ba de bzhin du nga rgyal gyis khengs pa ni thar par mi 'gyur ro/ /gnod pa med pa'i
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo