| e-texts navigator |
| བོད་ཡིག |
71a1 yin te/ thar pa ni rtag tu mya ngan dang bral ba'o/ /thar pa gang yin pa de ni de bzhin gshegs pa'o/ /rdul med pa rdul med pa zhes bya ba la rdul zhes bya ba ni sa rdul dang nyal nyil yin te/ ji ltar dpyid kyi dus na phyi dro rlung langs pas sa rdul bslang ba
71a2 bzhin du thar pa ni de lta ma yin no/ /rdul med pa zhes bya ba ni ji ltar rgyal po'i gtsug gi nor bu dag pa de bzhin du rang bzhin gyi rdul med pa ni thar pa'o/ /thar pa gang yin pa de ni de bzhin gshegs pa'o/ /rdul dang bral ba rdul dang bral ba zhes bya ba ni ji ltar gser yongs su dag
71a3 pa ste/ gseg ma dang rdo med par gyur pa dbyig tu red pa rang bzhin du gyur pa de bzhin du skyon byang ba'i rang bzhin ni thar pa'o/ /thar pa gang yin pa de ni de bzhin gshegs pa'o/ /sob sob po ma yin pa sob sob po ma yin pa zhes bya ba ni kham pa'i zho'i bum pa gas pa
71a4 bzhin du thar pa ni de lta ma yin te/ lcags dang rdo rje'i bum pa bzhin du sob sob po ma yin pa ni thar pa'o/ /thar pa gang yin pa de ni de bzhin gshegs pa'o/ /sob sob po ma yin pa'i chos can sob sob po ma yin pa'i chos can zhes bya ba ni ji ltar e raN+Da'i
71a5 'bras bu brngas nas so ga'i dus su khang tog tu bting na/ kun nas tseg tseg zer zhing kun nas 'gas pa de bzhin du thar pa ni de lta ma yin no/ /sob sob po ma yin pa'i chos can zhes bya ba ni ji ltar lcags dang rdo rje'i bum pa shing rta pa stong gi mdas 'phangs kyang
71a6 phigs par mi nus pa de bzhin du sob sob po ma yin pa'i chos can ni thar pa'o/ /thar pa gang yin pa de ni de bzhin gshegs pa'o/ /ci byar yang med pa ci byar yang med pa zhes bya ba ni ji ltar mi dbul po zhig la bu lon chags pa las phyug po'i lag tu 'ongs nas nyon
71a7 mongs su zin kyang ci yang 'jal du med nas btang ba bzhin du thar pa ni de lta ma yin te/ ci byar yang med pa zhes bya ba ni ji ltar mi nor bye ba bdog pa su'i bu lon yang ma chags pa de bzhin du chos bye ba phrag mang po bdog pa'i mchog ni thar pa'o/ /thar pa gang yin pa de ni de bzhin gshegs pa'o/ /
iiif viewer powered by OpenSeadragon
Texts on this page
D120 - 'phags pa yongs su mya ngan las 'das pa chen po theg pa chen po'i mdo